Jón Ólafur skrifar frá Melbourne, Ástralíu

Vika 1 að baki

2009-03-08T09:35:00.002Z

Þá er vika 1 að baki og skólinn að komast í gang. Vikan var í eðli sínu ósköp hefðbundin skólavika, ég er í tímum á mánudags-, þriðjudags- og miðvikudagskvöldum frá 6-9 og fimmtudögum frá 2-5. Þegar ég var ekki að lesa (kennararnir eru sko ekkert að láta skólann byrja rólega) eða sofandi var ég að útrétta hitt og þetta sem tengdist skólanum eða húsnæðinu eða hitta samnemendur yfir mjöð eða kaffi.

Aðeins um slottið sem ég bý í, fyrir þá sem hafa áhuga.
Ég bý sem sagt í lítilli stúdíóíbúð, ca 20fm, á 8.hæð. sem hefur allt til alls nema stofu. Ég er með fínt útsýni í vesturátt sem þýðir að ég fæ eftirmiðdagssólina og sólsetrið inn um gluggann hjá mér.

Stærstu fréttir vikunnar er samt jarðskjálfti, jebb, jarðskjálfti hér í Melbourne. Heimildir herma að þetta hafi verið öflugasti jarðskjálftinn í ca 35 ár. Hann mældist 4,5 á Richter og átti sér upptök hér rétt fyrir utan borgina á föstudagskvöld um kl 20:30. Þetta var ósköp hefðbundinn skjálfti, a.m.k. eins og ég hef upplifað þá heima; fyrst kom smá titringur og svo aðalskjálftinn. Mín fyrstu viðbrögð voru; "nei, það getur ekki verið að þetta hafi verið skjálfti, ekki í Melbourne" en svo fóru að renna á mig tvær grímur. Ástæðan er einföld, húsin hér eru svona ca búin til úr pappa þannig að ef það kæmi góður "Suðurlandsskjálfti" þá myndu mörg hún skemmast eða hrynja. En jæja, einhvern tíma er allt fyrst - að upplifa jarðskjálfta á svæði sem ég hélt að væri algjörlega laust við svoleiðis hluti.
Ég var reyndar spurður að því í gær, laugardag, hvort okkur (Íslendingum) væru kennd einhver ákveðin viðbrögð þegar jarðskjálfti eða eldgos ættu sér stað. Ég sagði nú bara eins og væri að það væri mjög staðbundið því sum svæði eru utan hættusvæða eldgosa en vissulega fengju margir sjokk þegar hressilegur skjálfti ætti sér stað.

Veðurfréttir:
Það var kalt í Melbourne í síðustu viku, hitinn fór niður í 10 gráður á nóttunni sem þýddi að það þyrfti að sofa með sæng. Veðrið í þessari viku stefnir í að verða skárra eða allt að 28 gráður yfir daginn ef allar spár ganga eftir. Samanborið við sama tíma í fyrra þá er þetta frekar svalt/kalt en þá var að jafnaði um 25-30 gráður á daginn og sængin var geymd uppi í skáp þar til seint í mars.

Læt þetta duga í bili.

Lifnaður við

2009-02-27T04:33:00.002Z

Góðan og sprækan daginn,
Þá er komið að því að lífga upp á þetta blogg aftur.

Ég er sem sagt kominn aftur til Melbourne til að klára mitt nám, 1 önn eftir. Í þetta skiptið snérum við Katrín málunum við, hún er heima í atvinnuleit en ég er 1 hér úti í náminu. Ég er því fluttur í nýtt húsnæði, stúdíóíbúð rétt hjá skólanum.

Ferðalagið hingað út var ósköp hefðbundið; ca 10 tíma hangs á Heathrow, 11 tíma flug til Bangkok, 8,5 tíma flug til Sydney og svo loks 1,5 tíma flug til Melbourne. Með öðrum orðum, bara rétt rúmlega flugleiðin Reykjavík - Akureyri :o)
Annars reyni ég yfirleitt að sofa sem mest í lengsta fluginu. Mér tókst það svona skítsæmilega en á hinn bóginn náði ég ekki að sofa mikið frá Bangkok og niður eftir.

Svo byrjar skólinn á fullu swingi á mánudag, svaka stuð.

Alla vega, ég mun því fara skrifa eitthvað reglulegar hér en áður.

Jólakveðja úr suðri

2008-12-24T01:28:00.002Z

Long time - no blog. Ástæðan er leti.

Skólinn kláraðist hjá mér þann 17.nóvember, einkunnirnar komu í byrjun desember en góða veðrið er rétt svo að koma núna.
Við Katrín höfum verið dugleg að skipuleggja flutningana hennar heim (a.m.k. dótið hennar) en við höfum líka verið mjög dugleg við að njóta þess að vera í fríi. Reyndar fór dágóður tími í undirbúning útskriftarinnar hjá Katrínu því það er ógurlegt pappírsflóð sem þarf að hafa í lagi svo hægt sé að útskrifast frá svona virtum háskóla. Jebb, þið lásuð rétt, Katrín er orðin tvöfaldur master - annars vegar í matvælafræði og hins vegar í viðskiptafræði (stjórnun). Nú er bara að finna rétta djobbið, sem er líklegast frekar erfitt eins og staðan er á Skerinu.

Við komum annars heim að kvöldi 29.des og ég fer aftur út til að klára mitt nám í lok febrúar, spurning hvað Katrín gerir. Það er nefnilega frekar erfitt/dýrt að fá vinnuleyfi hérna niður frá því nágrannar Ástralíu úr norðri (frá hrísgrjónaálfunni) hafa verið duglegir við að flytja hingað og leita að betra lífi - "The Australian dream".

Að veðrinu.
Ég hef orðið fyrir töluverðum vonbrigðum með veðrið hérna í nóvember og desember. Það er búið að vera frekar kalt (15-25 gráður, virkar eins og 5-15 heima) og töluvert rok. Þetta hefur þýtt að síðbuxur hafa verið meira notaðar en stuttbuxur. Sem betur fer verður jólaveðrið aðeins betra eða um 30-35 gráður og glampandi sól, spurning um að skella sér á ströndina með jólasveinahúfuna, sólarvörnina og six-pakkið - sjáum til. Njótið roksins og rigningarinnar um jólin.

Kæru vinir, ég óska ykkur gleðilegra jóla, þakka fyrir gott ár. Megið þið eiga góð jól á norðurhvelinu, sjáumst vonandi í janúar eða febrúar.

Brjálæði

2008-11-06T07:00:00.002Z

Það er aldeilis hvað hlutirnir gerast hratt, bankarnir þjóðnýttir, IMF hugsanlega að lána landinu nokkra aura o.s.frv. Hvað gerist með stóru karlana sem ollu þessu rugli, ættu þeir ekki að vera dregnir fyrir dómara og refsað almennilega fyrir þetta? Það finnst mér alla vega. Almennileg refsing í þessu tilfelli er sko milljarða sektir sem þeir ættu að geta tekið úr rassvasanum, nóg græddu þeir á "góðærinu". Nóg um það.

Skólamál
Önnin hér er búin, þessi vika er upplestrarfrí. Það er þó ekki svo gott hjá mér því ég þurfti að skila ritgerð síðasta mánudag + næsta mánudag þarf ég að skila annarri ritgerð og fara í mitt eina hefðbundna próf á þessari önn. Helgin þar á eftir fer svo í heimapróf. Ég verð sem sagt komin í jóla- og sumarfrí 17.nóvember.
Daman á heimilinu verður ekki einu sinni byrjuð í prófum þegar ég klára. Hef verið að grínast með það að ég muni bara útbúa matarbox fyrir hana að morgni, merkt hádegismatur og kaffitími, og á meðan mun ég vera á ströndinni að "tanna". Þessar uppástungur hafa ekki verið vinsælar, skrýtið.

Nú verða sagðar veðurfréttir
Veðrið hér hefur sveiflast ansi hressilega, suma daga er of heitt til að sitja inni við lærdóm á meðan aðra daga rignir með þrumum og jafnvel eldingum. Yfir heildina er samt orðið nokkuð hlýtt, ekki undir 20 stigum en það er þó ekki alltaf stuttbuxnaveður - þó það sé ansi oft :)

Njótið vetrarríkisins.

Allt á bullandi niðurleið

2008-10-04T07:10:00.003Z

Nú er að vissu leyti gott að vera námsmaður í útlöndum, sérstaklega þegar hugsað er til ætlaðs óstöðugleika á vinnumarkaði. Gallinn er hins vegar veiking krónunnar því nú þurfum við fleiri krónur fyrir hvern ástralskan dollar (gengið var ca 70 kr/AUD í júlí, er 87 núna). Sem dæmi um heildaráhrifin þá hefur leigan hækkað um ca 50% frá því í febrúar en þá var gengið um 60 kr/AUD.

Þjóðstjórn eða ekki, reka mann og annan, skipta um einstaklinga í ákveðnum sætum í ákveðnu húsi í 101 Rvk o.s.frv er eitthvað sem ég ætla ekki að tjá mig um í þessu samhengi. Eftir því sem ég les fleiri fréttir af ástandinu heima finnst mér sem múgæsingin sé að verða meiri. Fólk ætti að róa sig í svartsýnisspánni og líta frekar í eigin barm, allar offjárfestingar síðustu ára (t.d. húsnæðis-brjálæðið) sem eru í raun að valda þessu rugli núna. Skammtímaminni fólks er greinilega mjög takmarkað því það var varað við þessum áhrifum af viturbornum mönnum í upphafi "góðærisins". Nú er einfaldlega komið að skuldadögum sem því miður lendir líka á þeim skynsömu.
Eina afstöðu gef ég þó uppi, Ísland ætti EKKI að ganga í ESB þrátt fyrir þessar þrengingar. Við töpum miklu meiru en við græðum, t.d. fiskimiðunum og öðrum auðlindum.

Skemmtilegri fréttir.
Það var mjög gaman að lesa um snjókomuna í Rvk um daginn og að bílar væru fastir í Ártúnsbrekkunni. Þegar ég las þetta var ég ansi sumarlega klæddur því hér voru um 25 gráður og glampandi sól. Hitastigið mun nálgast 40 gráðurnar áður en langt um líður og þá mun ég skemmta mér enn frekar við að lesa ófærðarfréttir að heiman.

Fyrir þá sem vilja vita það, þá hef ég lokið einu námskeiði af 4 nú þegar, fæ þó ekki einkunnina fyrr en í desember. Hin 3 munu öll klárast í nóvember, eitt með ritgerð, annað með heimaprófi og það síðasta með hefðbundnu gagnaprófi.

Sumarkveðja frá Melbourne

Skóli og aftur skóli

2008-08-27T04:52:00.003Z

Það hefur ekki mikið gerst hjá mér síðustu vikurnar, eftir Sigrrósartónleikana. Skólinn er sko í fullu swingi með tilheyrandi lestri og ritgerðarskrifum, nú er vika 5 í gangi og ég er nú þegar búinn að skila 4 stuttum ritgerðum (500-1000 orð). Fyrsta alvöruritgerðin (3000 orð) verður skrifuð nú um helgina, sú ritgerð er jafnframt lokaritgerðin í því námskeiði. One down, three to go.

Góðu fréttirnar eru þær að veturinn er á undanhaldi, sólin hækkar á lofti, daginn er farið að lengja og hitastigið fer hækkandi.

Svo ég vitni nú í athugasemdir ónefnds Reykvíkings á ónefndum bloggsíðum, þá er það nú svo að það er svo sannarlega 100% vinna að vera í námi og önnur 100% að sjá um kvenmanninn á heimilinu og það hjálpar ekki til að hún sé úr Reykjavík. Gaflarinn þarf sko að hafa fyrir því að halda uppi heiðri síns sveitarfélags á heimilinu, svona næstum því :)
Til að vinna mér inn góða inneign tók ég upp á því að baka fyrir nokkrum dögum. Katrín vissi ekkert, hún fór bara í sína hópvinnu eins og venjulega. Þegar hún svo kom heim beið hennar nýbökuð kaka (ekki Betty Crocker, til að hafa það á hreinu). Eins og skilja má datt af henni andlitið þegar hún kom heim. Til að toppa þetta allt saman þeytti ég rjóma. Kakan smakkaðist mjög vel, þó ég segi sjálfur frá og punktastaða mín í heimilishaldinu er ansi jákvæð.
Getur hinn ónefndi Reykvíkingur toppað þetta?

Námsmaður í útlöndum og heimsfrægðin

2008-08-02T07:30:00.003Z

Þar kom að því, ég er orðinn íslenskur námsmaður í útlöndum. Ég er byrjaður í mastersnámi í utanríkisverslun (blanda af hagfræði og viðskiptafræði) í The University of Melbourne. Fullt nám hér er 4 námskeið, hvert um sig með sitt klassíska háskólaálag í náminu. Ég kem til með að þurfa skila lokaritgerðum í þeim öllum sem gilda frá 20% upp í 50% af lokaeinkunn en sem betur fer tek ég bara 1 lokapróf. 2 af námskeiðunum eru kennd um helgar (annað í ágúst og hitt í september), það sem kennt er í ágúst klárast með sinni 50% lokaritgerð 20.sept þannig að vinnuálagið ætti ekki að vera of mikið - vonandi. Annars stakk ég upp á því við Katrínu hvort ég ætti ekki að skipta um nafn og láta kalla mig herra Ritgarð, þar sem ég þarf að skrifa samtals um 20.000 orð í ritgerðum á þessari önn.
Annars leggst önnin bara furðuvel í mig þrátt fyrir allan þennan haug af ritgerðum og ég tala nú ekki um allt efnið sem ég er nú þegar búinn að prenta út - um 500 blaðsíður af lesefni í stað kennslubóka. Þessar 500 bls tilheyra bara 2 námskeiðum, það þriðja er eftir. Ég kem bara til með að lesa eina hefðbundna kennslubók til jóla.

Að enn skemmtilegri hlutum - heimsfrægðinni hér í Melbourne.
Ef þið kíkið á visir.is og sjáið þennan tengil þá sjáið þið hvernig heimsfrægðin fer með mann hér í henni Ástralíu.
Annars var það þannig að við skelltum okkur á tónleika með ekki ófrægara bandi en Sigur Rós í gærkvöldi, föstudag. Þrátt fyrir að hafa aldrei hlustað á þá sem heitið getur verð ég að viðurkenna að þeir voru nú bara skrambi góðir. Það skemmdi heldur ekki fyrir að við Katrín sveifluðum íslenska fánanum eins og við fengjum borgað fyrir það á meðan á tónleikunum stóð. Það eitt að standa þarna úti í mannhafinu með íslenska fánann að hlusta á íslenska hljómsveit svo langt frá heimaslóðum, fyllti mann svo af þjóðarstoltinu að orð fá því varla lýst. Það skemmdi heldur ekki fyrir að fá sérstakt klapp frá sjálfum söngvaranum í lok tónleikanna. Toppurinn hefði samt verið að fá að hitta kappana en öryggisverðirnir voru strangari en allt sem strangt er þegar kom að því að reyna komast baksviðs, hnuss, þá hefði þjóðarstoltið rifnað endanlega.

Eigið annars góða verslunarmannahelgi, gangið hægt um gleðinnar dyr.

Heima

2008-05-15T21:25:00.003Z

Ég er víst kominn heim og verð hér í ca 2 mánuði.

Ástæðan er að mestu leyti tengd ferðamannaárituninni (tourist visa) sem var að renna út, en ég fer aftur út í júlí til að hefja mitt masters-nám í hagfræði með áherslu á utanríkisverslun.

ANZAC

2008-04-27T08:52:00.002Z

Sælt veri fólkið

Síðasta föstudag var svokallaður ANZAC dagur hér í Ástralíu en á þeim degi er hermönnum þessa lands sýnd virðing. Dagurinn byrjar á því að fólk safnast saman við minnisvarða um fallna hermenn, sú athöfn fer fram í dögun eða á milli 4 og 6 að morgni. Eftir athöfnina marséra fylkingar um götur borgarinnar við taktfastan trommuslátt og einstaka trompet. Um hádegi er svo aðalskrúðganga dagsins en þá safnast þeir hermenn saman í miðborginni sem hafa þjónað landi sínu í gegnum súrt og sætt síðustu áratugina og marséra saman að minnisvarðanum. Inn á milli hópanna keyra svo gamlir herbílar. Þegar að minnisvarðanum er komið, og allir hafa skilað sér þangað, hefst dagskrá í tilefni dagsins. Dagskráin hófst á þjóðsöngnum og Faðir vorinu, á eftir því kom fylkisstjórinn í pontu og síðan hver annar pólitíkusinn.

ANZAC stendur fyrir Australian New Zealander Army Corps. Þann 25.apríl árið 1915, réðust ástralskar og ný-sjálenskar hersveitir inn í Tyrkland. Ég verð að viðurkenna að ég hef ekki náð ástæðunni enn, en þetta var víst stórmerkilegt í sögu landsins. Þúsundir ástralskra og ný-sjálenskra hermanna létu lífið í þessum hluta fyrri heimsstyrjaldarinnar en þeim hafa stöðugt verið þakkaðar þessar fórnir. Í 95 ár hafa Ástralir vottað öllum sínum hermönnum virðingu á þessum degi, óháð því í hvaða stríði þeir hafa verið, ef þeir hafa þá farið í stríð.

Við Katrín vöknuðum upp við dynjandi trommuslátt í morgunsárið. Þegar við litum út um gluggann sáum við fylkingu hermanna marséra um götuna okkar. Þetta var mjög tignarleg sjón og í raun geta fá orð lýst þeirri upplifun sem þessi sjón var.
Við röltum niður í bæ til að sjá hina stóru skrúðgöngu. Þar var önnur tignarleg sjón því þegar við komum á svæðið voru alls kyns hermenn að stilla sér upp. Elstu göngugarparnir voru líklegast í kringum nírætt og allt niður í fólk á mínum aldri. Sumir af þeim sem yngri voru báru líklegast orður feðra sinna eða afa, en það voru sko ekkert fáar orður á sumum þeirra. Ég man eftir að hafa séð 3 þéttar raðir á nokkrum herramönnum. Hópunum var raðað þannig upp að þeir sem höfðu barist í t.d. seinni heimsstyrjöldinni komu allir í einu. Inni í þeim hóp var svo raðað eftir því hvar þeir höfðu barist. Svona var þeim öllum raðað, ekkert endilega í tímaröð. Inn á milli komu svo herbílar frá hverju tímabili, fullt af flottum Jagúar-bílum og ég tala nú ekki um Rollsana. Með reglulegu millibili voru svo sekkjapípuhópar og lúðrasveitir sem spiluðu lög við hæfi.

Þegar síðasti hópur hafði lagt af stað, komu áhorfendur á eftir. Leiðin lá að minnisvarða um alla þá hermenn sem hafa þjónað landinu, jafnt fallna sem ófallna. Hjá minnisvarðanum stóðu hermenn vaktina, óvopnaðir þó, heiðursvörður væri líklega betra orð. Eftir stutta stund var fólk beðið að standa á fætur og hlýða á þjóðsönginn og fara svo með Faðir vorið. Það þótti mér einna tilfinninganæmasta stundin því ég sá fólk tárast á meðan það fór með Faðir vorið. Því næst fylgdu ræðuhöld sem við Katrín nenntum ekki að hlusta á.

Á heimleiðinni sáum við mun manneskjulegri hlið á hermönnunum, þeir voru á barnum með öl í hönd. Mér þótti það skondin sjón því þeir voru margir hverjir í herbúningunum.

Í skrúðgöngunni voru 15.000 þátttakendur og var áætlað að áhorfendur hefðu verið 50.000. Það var sko vel þess virði að sjá þetta því við munum ekki upplifa svona skrúðgöngu heima á Íslandi. Eini sénsinn á því væri reyndar ef við héldum þeim degi hátt á lofti sem Bretar gáfust upp í Þorskastríðinu, hér forðum daga, en ég held að það verði ansi slöpp skrúðganga til lengdar.

Þessi dagur, föstudagurinn 25.apríl 2008, mun seint gleymast því öll sú virðing sem hermönnum þessa lands er sýnd er ekkert lítil. Hátíðarhöldin sem slík þóttu mér mjög persónuleg, það var ekkert verið að reyna gera þetta glæsilegt, heldur var áherslan lögð á merkingu dagsins. Ástralir eiga hrós skilið fyrir tryggð sína við alla þá menn og konur sem hafa þjónað landinu í stríðum síðustu aldar.

Footy

2008-04-15T10:10:00.001Z

Núna um helgina skelltum við Katrín okkur á völlinn, við fórum að horfa á ástralskan fótbolta sem í daglegu tali er kallaður footy. Þetta var heljarinnar upplifun því við vorum eins og lítil heystrá í hlöðu, á vellinum voru rúmlega 44 þúsund áhorfendur. Stúkurnar voru á þremur hæðum, plús VIP hæðin sem var á milli hæða 2 og 3 og voru þær langt í frá að vera fullar. Leikurinn sem slíkur var mjög fjörugur þrátt fyrir að við skildum hvorki upp né niður í honum til að byrja með.
Til að gefa ykkur einhverjar vísbendingar um það hvernig leikurinn gengur fyrir sig þá skal ég reyna útskýra það. Leikurinn er í fjórum hlutum, 2 fyrir og eftir hálfleik, hver hluti er 20 mínútur. Á vellinum eru mjög margir leikmenn (náði ekki að telja), a.m.k. 6 dómarar og alltaf einhverjir vatnsdrengir til að gefa leikmönnunum að drekka. Þar að auki eru 2 sendiboðar af varamannabekknum inn á allan tímann (í sérbúning), líklegast til að koma skilaboðum frá þjálfurunum til skila til leikmannanna. Ég kalla þá sendiboða því það voru alltaf 2 að skiptast á að koma inn á, kannski tengdist það vörn og sókn. Það tók okkur Katrínu allan fyrsta leikhlutann að fatta gang mála. Á endanum ákváðum við að halda með því liði sem átti fleiri stuðningsmenn í kringum okkur en það var útiliðið. Það var líka eins gott því það lið vann með yfirburðum.
Það að fara svona á völlinn er sko miklu meira en að horfa á nokkur vöðvabúnt hlaupa hvert annað niður, þetta er sko heljarinnar menningarferð því þarna sér maður sko hvernig Ástralir eru í raun og veru. Boltinn er kannski svona helmingurinn af þessu en kúltúrinn hinn helmingurinn. Fólkið í kringum okkur var sífellt að skreppa í sjoppurnar, m.a. til að kaupa sér franskar, gos og síðast en ekki síst bjór. Mannskapurinn var sko ekkert að hika við það að fá sér nokkra kalda, þó svo að þeir þyrftu að troðast inn í miðja sætaröð með plastglasið eða jafnvel 4 glasa bakkana. Að sjálfsögðu voru einstaklingar á svæðinu sem kunnu sér ekki hóf í drykkjunni, en mér fannst það bara sýna hinn innri karakter heimamanna.

Ég held ég geti sagt það með nokkurri vissu að ég á eftir að fara á annan footy leik, þá ekki síst út af því að hér í borg eru 2 stórir leikvangar. Sá sem við fórum á er sá minni en hann tekur um 60 þúsund áhorfendur í sæti, sá stærri tekur rétt um 100 þúsund. Spurning um að velja góðan leik, líkt og við gerðum fyrir þessa helgi en liðin sem við sáum spila eru þau bestu í landinu og spiluðu meira að segja til úrslita í fyrra.

Footy-kveðja héðan að sunnan.

Lífið eftir páska

2008-04-14T05:41:00.001Z

Nú er komið að því að fræða ykkur um lífið hér suður frá eftir páska.
Katrín fékk 1 viku í kennslufrí eftir páska en á sama tíma var ég kominn á fullt í að undirbúa mig undir enskupróf sem ég þreytti 5.apríl. Sú vika snerist því við, ég var að læra en Katrín að slappa af. Síðasta vika var sameiginleg þjáningarvika hjá okkur því ég var að læra á fullu og Katrín þurfti að hafa sig alla við til að halda í við kennarana. Þessi vika, á hinn bóginn, hefur verið algjör letivika hjá mér og það stefnir í fleiri þannig vikur í nánustu framtíð. Ég reyni því mitt besta að hvetja Katrínu áfram og jafnvel líta yfir þau verkefni sem hún er að vinna.

Til að brjóta upp hið hefðbundna stúdentalíf breyttum við okkur í erlenda ferðamenn. Hópurinn samanstóð af 9 víkingum; 5 Íslendingum, 2 Dönum og 2 Finnum. Var um dagsferð að ræða í rútu með leiðsögn og var ferðinni heitið í vínsmökkun og gufulest. Dagurinn heppnaðist alveg svakalega vel, svo vel að hann endaði á pöbb um kvöldið. Eitt get ég sagt ykkur, það að borða 2 stórar máltíðir yfir daginn er sko allt of mikið fyrir mig. Varúð – ekki fyrir viðkvæma; ég hafði ekki lyst á nema rétt tæpum 3 bjórum um kvöldið. Já, ég veit, þetta jaðrar við guðlasti. Guðjón, ég vona að þú fyrirgefir mér þetta – hehe.
Þar að auki skelltum við Katrín okkur niður að sjó til að berja hinar frægu mörgæsir augum. Við fórum á stað sem heitir Phillip Island en það tók um 2,5 tíma að keyra þangað þaðan sem við búum. Það var töluverð upplifun að sjá mörgæsirnar svona nálægt manni koma upp úr sjónum og hlaupa upp eftir ströndinni í holurnar sínar. Ætli það næsta sem maður hafi komist þeim hafi ekki verið um 1 metri. Til að toppa kvöldið sáum við villta kengúru skoppa inn á milli mörgæsanna, í runnunum. Það var frábær upplifun.
Eftir enskuprófið var okkur Katrínu svo boðið í skandínavískt grill. Sökum prófþreytu sváfum við grillið af okkur en mættum í staðinn galvösk í gleðskap eftir grillið. Þá reyndi ég hvað ég gat að bæta upp fyrir drykkjuleysið eftir rútuferðina. Það gekk svona líka vel að ég var frekar ryðgaður fram eftir sunnudeginum.

Snúum okkur nú að veðrinu. Það hefur sko heldur betur breyst frá páskum. Í vikunni eftir páska og fram eftir síðustu viku var nú bara frekar svalt eða um 15 gráður. Þá dugði sko ekkert minna en buxur og peysa, Katrín fór meira að segja í jakka. Nú er öldin önnur, sem betur fer. Nú er glampandi sól og hitinn um 20-30 gráður, stuttbuxurnar eru því komnar aftur í notkun. Njótið vorblíðunnar á norðurhvelinu og ég tala nú ekki um alla hálkuna.

Ástralskir páskar og páskasteikin ógurlega

2008-04-10T10:21:00.000Z

Mikið svakalega stend ég mig vel í því að segja fréttir héðan af suðurhvelinu, eða þannig. Það eru víst komnar 3 vikur frá síðasta pistli sem er óafsakanlega langt síðan.
Páskarnir hérna suður frá (down under eins og heimamenn segja) voru frekar frábrugðnir hinum hefðbundnu páskum að því leytinu til að maður borðaði kryddaða kengúrusteik með piparsósu og alls kyns grænmeti. Með þessari svakalegu steik drukkum við svo hið fínasta rauðvín sem kostaði ekki nema rétt 600 kr. Í eftirrétt fengum við okkur svo Nóa páskaegg ásamt ástralskri súkkulaðiköku. Annað atriði sem var frábrugðið páskunum hér og heima er að hér voru um 25°C og við nutum kengúrunnar á stuttbuxum og –ermabol.

Annar dagur páska byrjaði á því að við röltum út í búð til að færa björg í bú og til að kaupa ástralskt páskaegg á hálfvirði. Við keyptum ekki bara eitt lítið egg, heldur tvö, í ágætri stærð. Eftir kvöldmat gæddum við okkur á því minna sem var páskakanína úr Deluxe rjómasúkkulaði frá Cadbury´s. Hitt eggið var Mars egg ásamt þremur Mars súkkulaðistykkjum. Það bíður enn eftir því að við gæðum okkur á því. Cadbury´s eggið var mjög gott og jafnvel betra en Nóa eggin en Nói hefur þó vinninginn hvað varðar nammið og málsháttinn því það er ekkert svoleiðis hér niður frá að því er við best vitum.

Páskasteikin heppnaðist alveg rosalega vel, hún var jafnvel betri en íslenski hamborgarahryggurinn. Ég ætla láta uppskriftina fylgja með hér fyrir neðan (höfundarréttur áskilinn):

500 gr af kengúrukjöti
½ sæt kartafla
2 gulrætur
½ haus af brokkoli
Dós af grænum baunum
Dós af sveppum
Piparsósa
Nokkur saltkorn
Rauðvínsflaska

Eldunaraðferð:
Rauðvínsflaskan opnuð. Kengúran lögð í rauðvínsmareneringu ca klukkustund fyrir eldun, grænmetið og kartaflan skorin niður eftir smekk, niðursuðudósir opnaðar.
Pannan sett á eldavélina við nokkuð snarpan hita, kartaflan látin á pönnuna ásamt nokkrum saltkornum, hún látin steikjast þar til hún verður létt gyllt að utan, þá tekin af pönnunni og sett til hliðar. Því næst er kengúran flutt úr mareneringunni yfir á pönnuna ásamt rauðvínsleginum. Ekki þykir ráðlagt að lækka hitann fyrr en kjötið er lokað að utan. Þegar hitinn hefur verið lækkaður er nauðsynlegt að fylgjast vel með, passa að steikin brenni ekki að utan og einnig að hún verði ekki hrá í miðjunni, t.d. með því að skera í kjötið og skoða hver staðan er. Varast ber þó að ofsteikja kjötið því kengúrukjöt bragðast best medium eða medium rare steikt.
Nú skal setja um 1 bolla af vatni í pott ásamt hæfilegu magni af salti. Kveikja skal undir pottinum og bíða eftir suðu. Þegar suðan kemur upp er ráðlagt að setja gulræturnar út í, en brokkolí-ið aðeins síðar því það þarf styttri suðutíma. Grænmetið er svo gufusoðið þar til það er tilbúið.
Nú skal litið aftur á kengúruna. Ef rauðvínslögurinn hefur gufað upp er ekki úr vegi að skella smá lögg af olíu á pönnuna til að koma í veg fyrir bruna. Þegar sýnt er að kengúran sé að verða tilbúin er tilvalið að skúbba kartöflunum aftur á pönnuna og jafnvel bæta smá olíu við. Eins og glöggir menn vita er nauðsynlegt að snúa kengúrunni og kartöflunni reglulega við svo að koma megi í veg fyrir stórbruna og þurra steik.
Að þessu loknu skal hugað að sósugerð. Þá skal sósubréfið skoðað vandlega og leiðbeiningunum fylgt í hvívetna. Þó má bregða út af þeim og skella um hálfri dós af sveppum með ef svo ber undir. Sósan þarf ekki langan eldunartíma.
Nú, þegar allt er að verða tilbúið, er um að gera að ákveða hvort hinar grænu baunir skulu etnar beint úr dósinni eða hitaðar örlítið upp í örbylgjunni.

Hentugt getur verið að tveir einstaklingar komi að þessari eldamennsku því annar þarf að fylgjast nokkuð grannt með kengúrusteikinni sökum þess hversu viðkvæm hún er í steikingu. Sá einstaklingur sem lausari er við getur lagt á borð, skenkt rauðvíni í glös og sett ljúfa tóna undir geislann.
Nú er ekkert að vanbúnaði en að hefja matarveisluna.

Eftirréttur:
Íslensk desertegg frá Nóa Síríus, dýrindis áströlsk súkkulaðikaka og restin af rauðvíninu.

Njótið vel og verði ykkur að góðu.

p.s.
Vera má að smekkur manna sé misjafn þannig að þeir velji t.d. nautakjöt í stað kengúru og er það vel. Sökum hás kílóaverðs á nautakjöti hér syðra hef ég ekki lagt í slíka matreiðslu. Ef þið viljið frekar nautakjöt þarna norður frá þá er það í góðu lagi mín vegna. Varhugavert getur þá verið að fara eftir þessari uppskrift í einu og öllu.

Löng færsla

2008-03-20T09:56:00.002Z

Er nú ekki kominn tími á smá uppfærslu? Það er svo langt síðan ég skrifaði eitthvað hér að ég gæti skrifað langan pistil um allt það sem við Katrín höfum verið að gera. Jæja, látum okkur nú sjá;

Sú skemmtilega staða kom upp í byrjun skólans að annað íslenskt par labbaði upp að okkur í bókabúð skólans. Eftir smá spjall var ákveðið að hafa samband fljótlega og reyna gera eitthvað. Stuttu seinna, kom skólabróðir minn úr FG upp að mér á skólalóðinni – out of nowhere. Við ákváðum að stefna að því að fá okkur kaffi saman við tækifæri. Allt í einu vorum við ekki lengur einu Íslendingarnir hér í borginni heldur 6 því parið hafði hitt annan strák sem leigði í sama húsi og þau. Nú tóku við smá pælingar um hvað skyldi gera og var ákveðið að hópurinn skyldi fara út að borða, kínverskur veitingastaður varð fyrir valinu. Við Katrín höfum farið á þennan stað áður þannig að við vissum hvað okkur langaði í, Peking önd. Við hvöttum krakkana til að smakka eitthvað fáránlegt í forrétt sem þau og gerðu. Forréttirnir samanstóðu af marglyttu, reyktum fisk, vorlaukskökum, BBQ kjúkling í salatskál með hrísgrjónum, chillikartöflum og rækjubrauði – allt saman mjög gott og misbragðsterkt.
Næsta dag fórum við svo öll 6 saman í útibíó en það er hefð fyrir útibíóum í Royal Botanical Gardens hér í borg yfir sumarmánuðina.
Helgin var mjög vel heppnuð og höfum við stefnt að því að gera eitthvað meira saman.

Um síðustu helgi skruppum við í smá ferðalag í NA-hluta borgarinnar fyrir aðeins A$2,9 eða um 200 kr/mann í lest. Það besta við þetta ferðalag okkar var að þetta reyndist heitasta helgi haustsins, um og í kringum 40°C og ekki skýhnoðri á himninum. Úthverfið sem við fórum að skoða heitir Eltham og má segja að það sé á mörkunum að geta talist til hluta borgarinnar því það var svo margt ansi sveitalegt þar að sjá. Við ákváðum að fara skoða þeirra helsta djásn, Montsalvat, sem reyndist vera minjasafn. Það sem við ekki vissum var að safnið var í útjaðri bæjarins og uppi í fjalli. Við þrömmuðum af stað frá lestarstöðinni full af orku en eftir um hálftíma göngu voru skrefin farin að þyngjast. Við spurðum því til vegar í ísbúð sem birtist upp úr þurru og fengum að vita að enn væru um 2-2,5 km á áfangastað. Áfram var haldið, upp og niður brekkur þar til við komum að skilti sem vísaði okkur á réttan stað. Þegar við tókum beygjuna blasti við okkur löng og brött brekka, ca 12-14% halli, sem töluverð umferð var um. Eftir mörg þung skref komum við að öðru skilti sem vísaði upp aðra bratta en ekki svo langa brekku. Þegar við vorum nýlögð af stað upp þá brekku stoppaði pallbíll hjá okkur. Bílstjórinn bauð okkur far með þessum orðum; “I see that the sun has got into you, do you want a ride?” Við afþökkuðum farið því það voru einungis um 200 metrar eftir. Þegar við komum svo á safnið leituðum við strax að kaffiteríunni því við vorum að drepast úr þorsta. Þegar við fundum kaffiteríuna var verið að loka henni en þjónninn sá hversu illa við vorum haldin og bauð okkur inn. Við keyptum okkur hressingu og kláruðum næstum heilan líter af vatni á innan við 5 mínútum. Nú var komið að því að skoða safnið, það reyndist ein stysta safnferð ævinnar því það var verið að loka. Nú tók hin langa ganga aftur við en nú var hún öll niður í móti. Á bakaleiðinni stoppuðum við í ísbúðinni og fengum okkur ís áður en við röltum á lestarstöðina. Þegar heim var komið vorum við svo úrvinda að við steinrotuðumst mjög fljótlega.

Að öðru leyti er lífið hjá okkur orðið ósköp venjulegt stúdentalíf í útlöndum; vakna snemma, læra, tími seinni partinn eða um kvöldið, læra kannski smá eftir tíma, borða, sofa. Jebb, kvöldmaturinn er ekki endilega kl 19, hann er bara þegar það hentar að fara elda. Undirritaður sér sko um eldamennskuna því Katrín er búin að fá nett ógeð á því að elda hinn klassíska stúdentamat. Nú spyrja sumir sig örugglega hvort við séum þá ekki bara að sulla í víni og slíku, svarið við því er stórt nei því áfengið hér er jafn dýrt og heima – mjög dýrt. Kippa af litlum bjórdósum kostar um A$13 eða um 900 kr (1AUD = ca 70 kr, var 61 þegar við fórum í febrúar).

Að veðrinu, af því að mér þykir svo gaman að minnast á það. Síðasta vika hefur verið með eindæmum góð því nokkra daga í röð fór hitinn varla niður fyrir 35°C, var oft um 40°C, þessu fylgdi að sjálfsögðu glampandi sól. Mér þótti það bara nokkuð gott en helsti gallinn við þetta var að það var frekar erfitt að sofa á nóttunni. Loftið var gjörsamlega dautt, ekki einu sinni 1 m/sek. Á 2 dögum hefur hitastigið fallið um helming því í dag, skírdag, erum við að tala um ca 20°C, skýjað og smá rok. Stuttbuxurnar fá því að hvíla sig í dag en í staðinn verður farið í fataskápinn og úr honum teknar buxur, sokkar og jafnvel langerma bolur/peysa sem hefur verið ónotað í heilan mánuð.

Læt þetta duga í bili en lofa að skrifa aftur fljótlega.
Gleðilega páska.

30 gradur +

2008-03-03T06:58:00.000Z

Hid ljufa lif heldur afram.
Vedrid um helgina var med eindaemum gott, eda um 30 gradur og glampandi sol. Vid nyttum tetta glimrandi goda vedur i alislenskt solbad tar sem vid flatmogudum a teppi i almenningsgardi - ad sjalfsogdu uti a midju grasi tar sem var potttett ad vid fengjum ekki skugga a okkur. A sama tima hengu heimamenni undir trjanum til ad fa ekki of mikla sol a sig - hnuss.

Katrin byrjadi i skolanum i dag, var i tima milli 2 og 5, en tann tima nytti eg ad sjalfsogdu uti i solinni. Eg gekk adalgotu borgarinnar fram og til baka, solarmegin audvitad, og naut teirra 32 grada sem voru i dag.
Tad tarf vart ad nefna tad ad vatnid hefur verid drukkid i litravis undanfarna daga.

Mikid var nu gaman ad skoda mbl.is adan og sja allar snjoafrettirnar, eg sakna tess sko alls ekki.

Tar til naest, see ya mate

Skrytinn matur

2008-02-29T04:24:00.001Z

Hid ljufa lif her i Aussie heldur afram.

Sidasta midvikudag forum vid Katrin a naeturmarkad tar sem sem ymislegt frodlegt var ad sja. Ma tar medal annars nefna nyjan bjor, Melbourne Bitter (mjog godur, faer goda einkunn), alls kyns mat og ymislegt annad. Kvoldmaturinn okkar tann daginn voru 2 ohefdbundnir borgarar, struts- og krokodilaborgarar. Satt best ad segja ma hinn hefdbundni borgari fara passa sig tvi tessir astrolsku borgarar voru bara bysna godir. Krokodilaborgarinn smakkadist likt og kjuklingaborgari en strutsborgarinn var likari hamborgara. I dessert fengum vid okkur svo hollenskar ponnukokur sem voru umluktar blondu af florsykri og venjulegum sykri, vid dyfdum teim svo i rjomatopp. Taer hollensku voru mjoooooog ljuffengar, svo nice ad vid naestum rulludum heim - sodd og sael.

I dag, fostudag, er sidasti sumardagurinn en tratt fyrir tad er vedurspa morgundagsins, 1.vetrardags, 20-25 stiga hiti og sol.

Njotid ykkar i vetrarrikinu :)

Melbourne er það heillin

2008-02-26T03:52:00.001Z

Jebb, ég flúði vetrarhörkurnar á Norðurhvelinu. Nú er maður bara á stutturum með rjóðar kinnar vegna góðs veðurs.

Uhmm, best að skella sér út í sólina :)

Nýjir tímar

2008-02-13T22:33:00.002Z

Framundan eru nýjir og spennandi tímar í mínu lífi - fylgist spennt með !!!

Deutschland Deutschland ... alles

2007-11-27T14:57:00.000Z

Nu er madur barasta kominn til Tyskalands (eins og sest a stafsetningunni).

Hvad aetli eg se svo sem ad gera her i tessu landi? Jubb, i augnablikinu er eg ad heimsaekja Stefan vin minn i Karlsruhe og i vikulokin fer eg til Frankfurt til ad taka a moti skvisunni minni :D

Stefan byr vid ansi merkilega götu en hun heitir Gaußstraße. Gauß tessi var ansi merkilegur staerdfraedingur a sinum tima og eru fraedin hans enn notud i dag, t.d. Gaußdreifing i tölfraedi og adferd Gauß i fylkjareikningi. Naesta gata heitir svo Jordanstraße. Jordan tessi var annar staerdfraedingur sem gerdi lika goda hluti. Margir aettu kannski ad kannast vid Gauß-Jordan eydingu i staerdfraedinni en tar var vinnu tessara snillinga skellt saman til ad audvelda vinnu i fylkjareikningi.

I dag hef eg annars verid ad labba um midbaeinn og skoda mig um. Husin her eru i svokolludum barrokkstil sem er toluvert frabrugdnari tvi sem tekkist i Melbourne tar sem allt er i Victoriskum stil.
Karlsruhe tydir i raun hvildarsvaedi Karls en Karl var litill kongur a tessu svaedi fyrir nokkrum öldum sidan. Borgin hefur um 300.000 ibua (ca jafnmargir og bua a Islandi) og liggur i boga ut fra höllinni sem Karl let reisa her i kringum 1700. I dag tegar eg var ad ganga um endadi eg i hallargadinum an tess ad skipta um ta att sem eg gekk i, eftir tad gekk eg i gegnum haskolasvaedid og endadi a kunnuglegum slodum eda rett hja tvi sem Stefan a heima. Ta tyddi ekkert annad en ad labba bara aftur nidur i bae og reyna turistast adeins meira. Nu sit eg a netkaffihusi en tetta er tad fyrsta sem eg sest almennilega nidur i dag. A morgun aetlar Stefan ad syna mer tad sem honum finnst merkilegt her i borginni, tad hlytur ad enda vel.

Auf wiedersehen meine Freunde

p.s.
A naesta gotuhorni er Hopfner bjorverksmidjan og veitingastadur. Kannski madur skelli ser tangad adur en eg yfirgef borgina - hver veit.

Útskrifaður

2007-10-27T17:18:00.000Z

Jæja lömbin góð, í dag var ég útskrifaður úr HÍ og hlaut lærdómstitilinn Baccalaureus scientiarum sem er í daglegu tali kallað B.Sc. Einnig hef ég heyrt þennan titil kallaðan homo economicus. Á hinu ylhýra máli er þetta kallað hagfræðingur.

Frá ritgerðarskilum hef ég unnið alltof mikið og ekki orð um það meir. Í nóvember stefni ég að því að fara erlendis til að halda upp á gráðuna í góðra vina hópi - þó sérstaklega eins ákveðins einstaklings ;)

BÚINN ! ! !

2007-09-13T15:24:00.000Z

Loksins, loksins, loksins

Kl 14:30 í dag afhenti ég skrifstofu Viðskipta- og hagfræðideildar BS ritgerðina mína. Nú er bara að bíða og sjá hvaða einkunn ég fæ.

Framundan er því bara skóli lífsins :)

Kominn af fjöllum

2007-08-29T21:17:00.000Z

Flestir vita þetta orðið en á tímabilinu 28.júlí til 23.ágúst hélt ég til á hálendinu með frönskum ferðamönnum. Ég breytti til og prófaði að fara í tjaldferðir fyrir karl föður minn. Til að hafa það á hreinu þá sáu túristarnir um að sofa í tjöldunum, ég svaf flestar næturnar í rútunni á þar tilgerðum svefnbekk. Þessar ferðir voru allar mjög vel heppnaðar og er aldrei að vita nema maður skelli sér í fleiri slíkar í framtíðinni fyrir rétt verð ;)
Einn stærsti kosturinn við svona ferðir er að maður sér fullt af nýjum hlutum. Ég var t.d. að koma í 1.skipti í Kerlingarfjöll, vestanmegin við Dettifoss, í Öskju, Gæsavatnaleið og á Sprengisand. Að sjálfsögðu fækkar þá stöðunum sem maður á eftir að heimsækja en þessir staðir eru vissulega þess virði að skoða nánar. Það eftirminnilegasta við þessar ferðir er nú samt snjókoman í Öskju og á Gæsavatnaleið. Já, snjókoma í ágústmánuði. Þess má reyndar geta að tjaldstæðið í Öskju er ca 900 m.y.s. og Gæsavatnaleið liggur eftir norðanverðum Vatnajökli.

Nú tekur alvaran aftur við, dem it. Skiladagur á ritgerðinni er 13.sept og henni verður ekki frestað lengur, nú er að duga eða drepast.

Ísland - Ástralía - Ísland

2007-07-27T12:50:00.000Z

Ferðinni var sem heitið til Ástralíu, kemur eflaust fáum á óvart.
Í upphafi stóð til að vera 6 vikur down under en nokkrum dögum fyrir brottför kom í ljós að litla systir væri að flytja til USA í allt að 4 ár. Ákveðnir einstaklingar innan fjölskyldunnar sáu til þess að ég ætti kost á því að koma fyrr heim svo ég gæti kvatt litlu systir almennilega. Vissulega var þetta erfið ákvörðun en ég tel langtíma áhrifin vera mun sterkari/jákvæðari en skammtíma.

Ferðin til minnar heittelskuðu var frábær í alla staði þrátt fyrir einn kaldasta og blautasta vetur þarna niður frá í áraraðir. Við vorum mjög dugleg að skoða okkur um og nýttum lestarkerfi fylkisins eins og kostur var. Ein besta lestarferðin var í lítinn bæ norð-vestur af Melbourne sem heitir Daylesford. Þessi bær er ca 700 m.y.s. og vægt til orða tekið svolítið lummó bær. Ég held ég geti ekki nefnt nokkurt krummaskuð hér á klakanum sem er eins aftarlega á tæknistiginu. Dæmi um hversu aftarlega þessi bær er má nefna opinn eld í flestum húsum sem kynding og hundadallar fyrir framan hverja verslun. Það besta við þennan bæ er samt nuddstofa sem við Katrín kíktum á, eflaust það eina nútímavædda í bænum. Við fórum í 60 mín slökunarnudd sem var alveg yndislegt (það tók okkur næstum aðrar 60 mín að safna orku til að fara af stað heim).
Annar flottur bær/borg sem við kíktum í heitir Bendigo (ca 100.000 íbúar). Þessi bær er the town fyrir gullleit í Ástralíu en þar hafa verið virkar gullnámur í ca 2 aldir. Undir stórum hluta bæjarins eru enn menn að störfum í gullnámunum en við kíktum niður í eina þeirra. Eftir hreint út sagt mjög leikræna leiðsögn hófst gullleitin sjálf og uppskárum við nokkrar gullflísar en þær eru víst aðeins og litlar svo það borgi sig að gera eitthvað úr þeim. Samt sem áður, við eigum gull sem við fundum sjálf og án þess að borga offjár fyrir :)

Ég gæti haldið endalaust áfram því við vorum svo dugleg að skoða okkur um, aldrei að vita nema það komi barasta seinna. Læt þetta samt duga í bili því ég vil ekki drepa ykkur af of löngum færslum.

Smá mont í lokin;
Á meðan ég var down under fékk Katrín einkunnirnar sínar úr skólanum. Í stuttu máli sagt þá var það svo að hún fékk líka þessar flottu einkunnir sem gerðu það að verkum að hún hefur nú lokið eins og einni MS gráðu. Nú tekur önnur MS gráða við hjá henni (ein sem getur ekki hætt að læra - hehe). Þið getið ekki ímyndað ykkur hvað ég varð montinn og stoltur af henni síðustu vikuna. Til hamingju með gráðuna ástin mín :D

Ferðalag

2007-06-22T14:26:00.000Z

Fyrir höndum er eitt lítið ferðalag, giskið þið nú.

Nánari upplýsingar síðar

6 ein í BS :)

2007-05-25T17:34:00.000Z

Þá er komið að því, síðasta prófið er að baki sem var staðið með sæmilegri plikt. Nú er einungis eftir að skila nokkurra blaðsíðna blaðri (skeinipappír eins og ónefndir frændur kalla það) og þá er gráðan komin. Loksins loksins loksins.

Tilfinningin í gær, fimmtudag, þegar einkunnin kom í hús var örugglega svipuð og þegar fólk hefur eignast erfingja því ég sveif bókstaflega í lausu lofti frá hádegi.
Þá vitið þið það, 20.október 2007 verður stór dagur í mínu lífi :)

Oddi að næturlagi

2007-05-15T00:49:00.000Z

Nú verða sagðar fréttir:

Prófið gekk bara ágætlega. Nú er bara að vona að einkunnin verði réttu megin við línuna :P

Ritgerðin; Þessa vikuna verður vakað ca 3/4 sólarhringsins til að reyna ná því að skila á réttum tíma því skiladagur er á föstudag.
Guði sé lof fyrir Stúdentakortið :P

Aftur skal snúið að blessuðu ritgerðinni, bless í bili

p.s.
Óþarfi að hafa áhyggjur af mér og svefnleysi, sef nóg þegar ég drepst.

Hér er ég

2007-05-05T23:04:00.000Z

Ég er sko lifandi, fyrir þá sem hafa kannski haldið annað.
Nú er bara sá leiðinlegi tími sem kallast próftími og deadline á BS ritgerð sem útskýrir bloggleysið undanfarið.

Próf kl 9 mánudaginn 7.maí og deadline á BS 18.maí. Vonandi gengur þetta allt saman upp á réttum tíma.

Smá innsýn í mín skemmtilegu fræði sem ég er að læra fyrir prófið, ykkur til fróðleiks og skemmtunar:

OLS: Grunnurinn í hagrannsóknum, til í nokkrum útgáfum.
GLS: Ein af útgáfum OLS.
SUR: Seemingly unrelated regression - þetta er ferskur GLS metill.
IV estimator: Hjálparbreytumetill fyrir GLS, einstaklega skemmtilegur.
ML (metill mesta sennileika): Allar mögulegar líkindadreifingar geta komið hér við sögu.
LOGIT: Enn annar metillinn, þessi byggist reyndar á ML og exponential dreifigunni.

Er einhver enn að lesa (fyrir utan Guðjón, því hann er líklegast sá eini sem skilur þetta)? Fyrir áhugasama þá geta ég frætt ykkur á því að þetta er bara brota brot. Ég gæti verið í alla nótt að skrifa þetta allt upp ef ég nennti því.

Pæling

2007-04-20T15:31:00.000Z

Ég fór að gefa klæðaburði fólks auga áðan á kaffistofunni nú þegar prófatíðin er að komast í gang. Eins og margir vita er Hlaðan nokkuð stór og alls kyns fólk að lesa þar og því er um alls kyns klæðaburð að ræða.
Hver nennir virkilega að klæða sig fínt og jafnvel að hafa sig til þegar stefnan er sett beint á hina eitilhressu Hlöðu? Sjálfur reyni ég hvað ég get að vera í sem þægilegustu fötum þegar ég hef verið í prófum og jafnvel sleppt því að raka mig í nokkrar vikur - eins og núna.
Þessar pælingar komu upp hjá mér áðan þegar ég tók eftir vinkvennahóp á kaffiteríunni sem var nokkuð vel klæddur, málaðar, á hælum u.s.w. Ætli þær hafi haldið að þetta sé þess virði þegar langflestir gestir Hlöðunnar eru að hugsa um allt annað en að höstla næsta aðila af gagnstæðu kyni? Svo er nú reyndar alltaf sá möguleiki fyrir hendi að þeim líði nú bara best í drögtunum sínum, með málninguna í andlitinu og á hælum - tilbúnar á ballið.

Pæling

Úti er ævintýri

2007-04-03T13:29:00.000Z

Eigum við eitthvað að minnast á hvernig þessar álverskosningar fóru? Fyrir þá sem ekki vita þá var það svo að hópur þröngsýnna vitleysinga (a.k.a. Sól í Straumi) æsti múginn upp í það að kjósa gegn stækkun álversins. Ég hef nú þegar heyrt af fólki sem sér eftir því að hafa kosið gegn stækkuninni því núna fyrst fattar það hvað það var að kalla yfir sig.

Ég sendi inn athugasemd á heimasíðu þessa þröngsýnu vitleysinga við færslu þar sem úrslitunum var fagnað, þeim hefur verið eytt. Athugasemdin hljóðaði svo; Pereat.

(Pereat er tilvísun í sögu Lærða skólans fljótlega upp úr 1850)

Bjór og léttvín í búðir

2007-03-27T13:41:00.000Z

Smá meir - annað efni sem ég vildi ekki hafa með í hinni færslunni

Í vísó í Víking var fyrirlesarinn spurður um álit fyrirtækisins á því ef einkasala ÁTVR af bjór og léttvíni yrði afnumin. Svarið var á þá leið að Víking er á móti því á þeim forsendum að lágvöruverðsverslanirnar tækju þá yfir markaðinn og þá eingöngu með örfáar tegundir. Þetta sjónarmið er gott og gilt, þá sérstaklega ef hugsað er um hagnaðarhámörkun fyrirtækja. Þegar ég ætlaði að fara reyna koma með eftirfarandi "dæmisögu" þá var eins og hún neitaði að hlusta því þetta væri það eina rétta frá sjónarhorni fyrirtækisins.
Ef við aftur blöndum aðeins saman hagnaðarhámörkun fyrirtækja og nytjahámörkun einstaklinga þá gætum við fengið annað svar.

Segjum sem svo að Bónus og Krónan muni bjóða upp á max 3 tegundir af ódýrum lagerbjór, líkt og Nettó í DK, en að Hagkaup og Nóatún einbeiti sér að vinsælli tegundum, t.d. Tuborg, Carlsberg, Thule og Víking.
Einstaklingur sem horfir einungis í krónur p/dós myndi þá líklegast versla nær eingöngu í Bónus og Krónunni en einstaklingur sem velur gæði fram yfir verð er þá reiðubúnari að borga meira og fer því frekar í Hagkaup eða Nóatún. Inn í þetta val spilast einnig tekjur einstaklingsins því að eftir því sem einstaklingur hefur hærri tekjur því reiðubúnari er hann að greiða hærri fjárhæð gegn því að fá betri gæði (alveg eins og með fæði stúdenta á námsárunum, það er allt annað en eftir útskrift sökum hærri tekna).
Það hefur reyndar oft tíðkast á meðal Íslendinga að spáð sé meira í magnið en gæðin þegar kemur að bjórdrykkju og í því samhengi myndu lágvöruverðsverslanirnar vinna en nú í seinni tíð hefur þróunin snúist við, að ég held. Það hefur tekið landsmenn 18 ár að læra meta bjórinn og fara haga drykkjunni meira í átt að gæðum en magni, ég er svo sem engin undantekning á því frekar en allir hinir.

Hvað með hlið fyrirtækjanna. Þau horfa jú helst á selt magn af sinni framleiðslu. Þær ölgerðir sem starfa hér á landi eru líklegast hræddar við það að lágvöruverðsverslanirnar fari að snúa sér að innflutningi á ódýrum bjór, ég skil það sjónarmið mjög vel. Í upphafi frjálsrar verslunar má að vísu reikna með því að verslun með innfluttan ódýran bjór verði meiri en öðrum bjórum en með tímanum má fastlega gera ráð fyrir því að þetta jafnist allt saman út. Landsmenn munu þá snúa sér aftur að innlendri framleiðslu ef það yrði sú bjórtegund sem þeim myndi líka best við. Þannig myndi draga úr markaðshlutdeild innflutta bjórsins og hlutdeild innlenda bjórsins myndi aukast. Auðvitað gerist þetta ekki allt saman á einu augnabliki, frekar svona á 2-3 árum max.

Ef þetta er svo summað upp kemur eftirfarandi niðurstaða, ef niðurstöðu má kalla:
Báðir aðilar á markaðnum, fyrirtækin og neytendurnir, hugsa fyrst og fremst um nytja- og hagnaðarhámörkun (sem er nokkurn veginn sami hluturinn). Frjáls innflutningur mun að öllum líkindum leiða til verðlækkunar á ölinu sem myndi þá þýða það að neytendur snúi sér strax að ódýrari vörunni, að því gefnu að þeir hugsi ekki um gæðin. Innflutt öl hefur hér fengið hlutverk ódýrari vörunnar. Fyrstir til að finna fyrir samdrætti væru því innlendir framleiðendur, en þó aðeins tímabundið eða á meðan hagkerfið kemst aftur í jafnvægi. Þegar jafnvægi væri náð er um hámark neytenda og framleiðenda að ræða því báðir aðilar hafa fundið sína kjörstöðu á markaðnum, þ.e. neytendurnir hafa fundið hvaða neysla hentar þeim best og fyrirtækin hafa fundið út hvaða framleiðslumagn hámarkar þeirra hagnað.

Var einhver sem skildi þetta allt saman, ef svo er, hvert er þá álit ykkar?

Mitt mat á þessu er það að ölgerðirnar þurfa ekki að óttast of mikinn samdrátt því fólk er farið að átta sig á gæðum frekar en magni, nema þá helst námsmenn sem hugsa akkurat um andhverfuna - fá sem flestar dósir fyrir peninginn.

Hringferð

2007-03-27T13:20:00.000Z

Skellti mér í hringferð um landið ásamt 10 krökkum sem flest voru MS nemar í umhverfis- og auðlindafræðum, að sjálfsögðu var ég við stýrið - glætan að ég myndi nenna hanga í rútu í 5 daga og bíða eftir næsta stoppi.

Ferðin í heild var hin besta skemmtun en langbest fannst mér samt að skoða landið okkar í vetrarbúningnum.
Útlitið í upphafi var nú ekki alltof gott því ekki var ferðaveður út úr borginni sökum skafrennings á Sandskeiði en það bjargaðist á síðustu stundu. Við fengum gott veður aðra daga ef frá er talinn dagurinn sem við keyrðum heim því þá var rok og rigning.
Allir vegir sem voru X metrum yfir sjávarmáli voru umkringdir snjó og klaka en merkilegt fannst mér samt hvað það var lítil hálka. Leiðinlegasti parturinn fannst mér vera keyrslan upp að Kárahnjúkum því þar var AKKURAT ekkert að sjá nema endalaust af vinnuvélum. Eftir þann krók sannfærðist ég um þá skoðun mína að ég sé ekkert að því að búa til þessa stíflu og og virkja þá orku sem Jökla hefur að geyma. Ég var reyndar einn um þá skoðun í ferðinni því fólkið er jú að læra um mest allt það slæma sem svona framkvæmdir hafa á umhverfið, svolítið litað af viðhorfi kennarana. Orkan í Jöklu er auðlind sem vert er að nýta til góðra verka fyrir hagkerfið okkar en það mun á endanum koma öllum til góða, líka mótmælendunum. Því geta fáir hafnað.
Ferðinni var svo slúttað með vísó í Víking á Akureyri þar sem fram fór mjög svo vísindaleg umræða um umhverfisstefnu fyrirtækisins.

Nú þýðir ekki að hanga lengur við bloggskrif, námið kallar. Þar til næst ...

Viðbót við síðustu færslu

2007-03-19T14:16:00.000Z

Það er minnst á þetta óhapp, ásamt öllum hinum óhöppunum um helgina, á bls 4 í Mogganum í dag. Það þarf ekki mikið til að komast í blöðin ;)

Svakaleg helgi

2007-03-19T12:32:00.000Z

Nú verð ég barasta að blogga því helgin var svakaleg.

Eins og svo oft áður var ég að vinna um helgina en eins og flestir vita var veðrið kannski ekki það besta.

Á laugardag lenti ég í því að þurfa bruna upp á Gullfoss með nýja rútu því rútan sem var þar fyrir rann út af veginum. Á leið í bæinn fór veðrið versnandi, eiginlega svo versnandi að mér stóð ekki á sama. Þegar ég lagði svo af stað frá Hveragerði var ég hættur að sjá meira en rétt eina stiku fram fyrir rútuna sem stafaði af svakalegum skafrenningi. Þegar ég kom svo upp í Kambana dró ég hvernig bílinn af öðrum uppi en þeir komust ekki áfram sökum hálku, þeir spóluðu sig bara áfram og einhverjir sneru við (skynsamir). Á vissu augnabliki fór rútan líka að spóla því það var bíll fyrir framan sem stoppaði eiginlega á punktinum en sökum skyggnis þá var ég ekki almennilega klár á því hvar á veginum við vorum. Eftir að hafa keyrt yfir heiðina, nokkurn veginn eftir minni, þurfti ég að stoppa til að slá af þurrkublöðunum. Þá kom til mín maður sem hafði fest jeppann sinn þarna rétt hjá því "hann hitti ekki á veginn" eins og hann orðaði það. Jeppinn komst upp á veg í 2.tilraun og allir komust heilir heim.

Nú er bara hálf sagan sögð.

Í gær, sunnudag, fór ég af stað um hádegi í gullhring á stórri rútu sem vegur um 15 tonn tóm. Samkvæmt heimasíðu Vegagerðarinnar var allt í lagi með færð til Þingvalla þannig að stefnan var tekin þangað. Enn og aftur var skyggnið asskoti slæmt og jafnvel svo slæmt að akkurat ekkert sást fram fyrir rútuna. Öðru hvoru mætti ég litlum fólksbílum þannig að ég hugsaði með mér að þetta gæti ekki verið svo slæmt. Er við vorum að koma til Þingvalla mættum við jeppakörlum með sleðakerrur, þar var einn eitthvað að drífa sig og tók fram úr öðrum. Sá rétt slapp á réttan vegarhelming áður en illa fór. Aðeins um 2-3 mín síðar mættum við fleiri jeppum og aftur öðrum jeppa á röngum vegarhelmingi en sá var ekki jafnheppinn og sá fyrri því þessi endaði framan á rútunni. Höggið var svo sem ágætt en við fundum lítið sem ekkert fyrir því. Jeppinn var skilinn eftir á Þingvöllum því hann var óökuhæfur eftir áreksturinn. Sem betur fer voru engin alvarleg slys á fólki (enginn farþegana slasaðist) en fólkið í jeppanum fann fyrir verkjum í hálsi, öxlum og baki. Út af því þurfti að kalla til lögregluna sem kom eftir dágóða stund sökum slæms skyggnis. Tjónið á rútunni var það lítið að hægt var að klára ferðina en þó var það ekkert svo lítið. Framendinn var allur í klessu, þó sérstaklega vinstra hornið.
Á leið frá Þingvöllum, niður með Soginu, kom það 2-3 sinnum fyrir að ég hreinlega stoppaði því ég sá minna en ekkert.

Við náðum að klára hringinn án frekari óhappa og allir voru himinlifandi með að komast á hótelin heilir á húfi. Það gerist nú ekki oft en ég fékk dúndrandi lófaklapp og húrrahróp þegar við komum til Rvk.

Lærdómur fyrir alla aðila;
Högum akstri eftir aðstæðum og reynum eftir fremsta megni að keyra á réttum vegarhelmingi.

Enn einn mánuðurinn búinn

2007-02-27T14:40:00.000Z

Obbo sí, febrúar er næstum búinn en viss hlutur er ekki alveg búinn. Ég held svei mér þá að ég verði að fara gera eitthvað í því sérstaklega ef ég ætla ekki að lenda í því að gera allt í loftköstum síðustu dagana fyrir endanlegan skiladag.

Annars hefur febrúar bara verið alveg yndislegur mánuður fyrir utan síðustu daga út af ákveðnum ástæðum, say no more.

Pólitík

2007-02-16T13:42:00.000Z

Er ekki kominn tími á eins og eitt blogg?

Fyrir ekki svo löngu síðan viðraði ég skoðanir mínar á kosningum um stækkun álversins í Straumsvík. Utankjörfundaratkvæðagreiðslan hófst í gær, þvílík vitleysa og sóun á almannafé. Bærinn hefur bara gott af þessari stækkun.

Undanfarið hafa verið að birtast niðurstöður skoðanakannana út af kosningum til Alþingis nú í maí. Þar hefur ýmislegt komið í ljós, gott og slæmt. Hvernig dettur fólki t.d. í hug að halda það að formenn VG og Samfylkingarinnar geti stjórnað landinu? Annað alltaf á móti öllu og hitt fyrrum spilltur borgarstjóri. Landið fer nú bara til helvítis ef þau fá lyklana að ríkiskassanum. Ekki bætir nú úr skák ef Frjálslyndir, með sitt útlendingahatur, færu í samstarf með þeim.
Með þessu er ég ekki að segja að það sé ekki þörf á breytingum í landspólitíkinni en það má taka minni skref í einu.

Hvort viljum við lága verðbólgu og hæfilegt atvinnuleysi eða mikla verðbólgu og lítið atvinnuleysi? Okkar er valið þann 10.maí.

Ný vísitala

2007-02-02T11:39:00.000Z

Eins og margir vita, sem kunna eitthvað í vísitölufræðum, þá er ein þekktasta vísitala heims hin svokallaða BigMac vísitala en hún mælir kaupmáttarjafnvægi á milli landa. Í vísitölunni hefur BigMac borgarinn í USA stuðulinn 1, sem þýðir að USA er grunnurinn, en stuðullinn hér á Klakanum er ca 2,5. Það þýðir að fyrir hvern BigMac sem við kaupum getur Kaninn keypt ca 2,5. Engin furða þó það sé farið að gæta offituvandræða hvarvetna í heiminum.

Nú nýlega sá ég í blöðunum að fræðimenn úti í heimi hafa ákveðið að búa til nýja vísitölu sem ætti að auðvelda samanburðinn á milli landa ennfrekar, það er hin svokallaða iPod vísitala. Rökin sem þeir nefndu fyrir þessum breytingum eru góð og gild svo langt sem þau ná en aðalrökin eru þau að hráefniskostnaður hvers borgara er mjög mismunandi milli landa og því getur verið erfitt að bera saman BigMac í mjög þróuðu landi við BigMac í þróunarlandi. Allir iPodarnir eru víst framleiddir í Kína og því ætti ekki að vera neinn vandi að bera þá græju saman á milli landa.
Nú er bara að bíða og sjá hvaða stuðul við fáum í þessari nýju vísitölu. Vill einhver giska?

Nýr lífsstíll

2007-01-29T15:56:00.000Z

Haldið þið ekki bara að karlinn hafi látið plata sig í ræktina.
Ég var beittur nokkrum bellibrögðum þannig að úr varð að ég keypti mánaðarkort á ákveðinni líkamsræktarstöð. Ég verð nú reyndar að viðurkenna það að þetta er fjandi hressandi. Fór t.d. kl 8 í morgun, já á mánudagsmorgni, í ræktina og tók á í ca 2 tíma áður en stefnan var tekin á hina eitilhressu Hlöðu, held að morgunferðirnar gætu jafnvel orðið fleiri. Maður þarf jú að nýta kortið almennilega. :)
Áhugasömum til fróðleiks þá er ekki ætlunin að byggja upp einhvern svaka vöðvamassa heldur einungis að reyna minnka ummál búksins. So far hef ég losnað við umtalsverðar harðsperrur þó vissulega hafi ég fundið til hér og þar.

Í einhverri leti í morgun fór ég í bol sem merktur er spænsku fótboltafélagi. Þegar ég kom niður á kaffistofuna á Hlöðunni um hádegi hætti Spánverjinn sem þar vinnur að afgreiða og fór að bulla eitthvað, á spænsku, um slæmt gengi þessa liðs undanfarið og að annað lið væri miklu betra. Ég sagði einfaldlega; "No habla espaniol." (ca rétt skrifað) og þá heyrði ég að hann nefndi íslenskt nafn og setti fingur niður. Er manni nú ekki einu sinni fært að mæta í hvaða klæðnaði sem er á Hlöðuna án þess að útlendingsgreyin missi stjórn á sér? Best að mæta næst í Ítalíubolnum sem keyptur var í Feneyjum um árið og láta karlinn tryllast, hehe.

Lifandi

2007-01-15T17:15:00.000Z

Fyrir þau ykkar sem hafið haldið annað þá vildi ég bara segja ykkur að ég er lifandi en hef haft nóg að gera undanfarið. Það er ástæða bloggleysis.

Gleðilegt nýtt ár

Gleðileg jól og farsælt komandi ár

2006-12-28T16:29:00.000Z

Kæru vinir, gleðileg jól og farsælt komandi ár

Ég vona að allir hafi átt ánægjulega jólahátíð og muni eiga ánægjuleg áramót.
Til þeirra sem ætla að kaupa rakettur: Persónulega finnst mér að fólk ætti að kaupa raketturnar af hjálparsveitunum því við treystum á það að okkur verði bjargað ef við lendum í einhverjum óhöppum hvar sem er á landinu og í hvaða veðri sem er. Mér finnst að kaupmenn sem taka sig til og selja rakettur ættu að skammast sín því þeir eru um leið að draga úr þeim fjármunum sem hjálparsveitirnar hafa til að halda sínum búnaði í sem bestu ástandi. Þessum sömu kaupmönnum finnst svo sjálfsagt að hjálparsveitirnar komi og bjargi þeim ef þeir lenda í óhappi þrátt fyrir að hafa verið í samkeppni við þá örfáum vikum áður.
Nú segir eflaust einhver að hann muni nú frekar kaupa ódýrari rakettur ef hann á þess kost, lágmarka kostnað fyrir sömu hamingju. Hafið það þó hugfast að þið styðjið verslanir allan ársins hring með því að kaupa í matinn en hjálparsveitirnar óska eftir stuðningi landsmanna einu sinni á ári með jólatrjáa- og rakettusölunni. Eiga þær það ekki skilið að landsmenn hjálpi þeim að viðhalda góðu viðbúnaðarstigi?

Ekki titilhæft

2006-12-17T01:04:00.000Z

Eins og margir muna skrifaði ég nýlega eina leiðindafærslu um leiðindamál. Þeirri færslu hefur nú verið eytt því hún var skrifuð á viðkvæmu augnabliki. Ég vil biðja þá aðila afsökunar sem urðu eitthvað sárir út af þeim skrifum.

Þetta vil ég þó segja í staðinn því þetta er efst í huga mér þessa dagana:

Samband mitt við Katrínu Ástu er það besta sem komið hefur inn í líf mitt. Án þessarar yndislegu stúlku hefði ég líklegast aldrei verið kominn á það stig í mínu lífi að verða jafnvel að einhverju. Með því á ég við að ég hefði eflaust hætt í námi og snúið mér alfarið að einhvers konar verkamannavinnu alla ævi. Allar góðu minningarnar úr því sem við gerðum saman, t.d. útilegurnar og ferðalög erlendis, munu ávallt minna mig á hversu góðir tímar þetta hafa verið.

Lifið heil

Bjartsýnisblogg

2006-12-14T12:56:00.000Z

Er ekki málið að reyna blogga um skemmtilegri hluti en í síðustu færslu? Það finnst mér.

Mikið er nú ljúft að sitja hér á Hlöðunni og hreinsa til í ritgerðinni um leið og ég hlusta á hin ýmsu hljóð sem koma frá stressuðum háskólanemum. Sem dæmi þá er sessunautur minn stöðugt að dæsa en stúlkukindin hefur greinilega ekki sofið mikið í nótt, sbr baugana sem hún er með.
Það eina sem heldur manni við efnið hér er að í prófatíð er strangara eftirlit með fjarvistum frá lesborðunum þannig að maður þarf að vera duglegur við að lágmarka lengd kaffitímanna.

Annars finnst mér Íslendingar vera fífl. Hvað á það að þýða að hringja í lögregluna og kvarta yfir því að vegi sé lokað vegna alvarlegs slyss? Myndu sömu einstaklingar ekki óska þess að fá að vinna í öruggu umhverfi ef þeir þyrftu að sinna vettvangsrannsóknum? Ég held að jólastressið hafi nú hlaupið með fólk í gönur um síðustu helgi og mega þeir hinir sömu skammast sín.

Desember - engin próf

2006-12-08T16:14:00.000Z

Mikið er nú ljúft að vera ekki í neinum prófum í desember. Það þarf stórátak til að rífa sig á fætur fyrir sólarupprás svo manni verði eitthvað úr deginum. Þetta er ljúft líf :)
Til þeirra sem eru í prófum, have fun.

Tónleikar á laugardag

2006-11-23T16:19:00.000Z

Næsta laugardag, 25.11., mun Háskólakórinn halda tónleika í Neskirkju kl 17. Ég mæli eindregið með því að fólk mæti þangað því sjón er sögu ríkari. Aðgangseyrir er hvorki meira né minna en kr 2000.

Fyrir þá sem ekki vita þá mun kórinn einnig gefa út geisladisk nú í upphafi desember með hinum ýmsu perlum og geta áhugasamir nálgast eintak hjá mér. Eintakið mun ekki kosta mikið en það verður vel þess virði að fjárfesta í einu stykki.

Álver og stækkanir

2006-11-13T15:36:00.000Z

Datt í hug að henda inn smá pælingu um fyrirhugaða stækkun álversins í Straumsvík. Þessi stækkun hefur farið fyrir brjóstið á sumum heima í Hafnafirði.

Ég held að þetta sé á mörkunum með að vera birtingarhæft í almennum fjölmiðlum, læt því duga að birta þetta hér. Ath, þetta er með öllu óritskoðað.

- - - - -

Undanfarið hefur borið á því að íbúar í syðsta hluta Hafnarfjarðar hafa verið iðnir við að skrifa um fyrirhugaða stækkun álversins í Straumsvík. Hefur þeirra helsta kvörtunarefni verið sjónmengun. Þessir íbúar búa í þeim hluta bæjarins sem telst til Vallahverfis en það hverfi er nýtt, varla eldra en 5 ára.
Nú skulum við aðeins hugsa til baka. Álverið í Straumvík hefur verið starfrækt frá því árið 1969, eða í 37 ár. Það hefur skilað Hafnarfjarðarbæ stórum hluta af útsvarstekjum bæjarins og um leið skapað fjölda fólks atvinnu, beint og óbeint. Svo að af byggingu þess gæti orðið var ákveðið að ráðast í byggingu stærstu virkjunar sem þá hafði verið byggð á landinu, Búrfellsvirkjun. Sá byggingartími, líkt og Kárahnjúkadæmið nú, skapaði fjölda fólks atvinnu sem kom þjóðarbúinu vel því síldin hvarf á svipuðum tíma. Allir þessir þættir sköpuðu tekjur til þjóðfélagsins sem annars hefðu líklegast aldrei fallið til, ekki bara í beinum launatekjum og sköttum heldur einnig t.d. í gegnum raforkusölu og sölu lands. Nú má svo sem spyrja hvort landrýmið sem fór undir uppistöðulón virkjunarinnar hafi ekki peningalegt gildi, vissulega en ég tel að fórnin sé minni en ábatinn.
Þessir umræddu íbúar hafa nú undanfarið kvartað hástöfum í Morgunblaðinu, Fjarðarpóstinum (bæjarblaðið í Hfj) og fleiri stöðum og hafa talað um að þeir vilji álverið burt því af því stafi svo mikil sjónmengun. Halló, þetta lið ætti nú að læra halda kj því álverið er búið að vera þarna í um 4 áratugi en húsnæði fólksins er max 5 ára gamalt. Er þetta ekki spurning um að fólk hugsi aðeins áður en það fer að tjá sig opinberlega? Ef það hefur hugsað aðeins áður en það fjárfesti í þessum eignum þá hefði það nú átt að sjá að útsýnið úr stofugluggunum var nú ekki mikið, álverið og iðnaðarhverfið þar beint á móti. Þrátt fyrir þetta "fagra" útsýni hefur íbúðaverðið í Vallahverfinu haldist nokkuð hátt undanfarið en samkvæmt lögmálum hagfræðinnar ætti hátt íbúðaverð að stafa af mikilli eftirspurn og litlu framboði en það er oft raunin í nýjum hverfum. Reyndar er það svo álitamál hvort framkvæmda- og söluaðilar hafi ekki átt sinn þátt í því að hækka íbúðaverðið á undanförnum misserum, alla vega er það mín skoðun.
Andstæðingar álversins hafa einnig bent á þá mengun sem það veldur í umhverfi sínu og að stækkun myndi auka hana. Iðnaði fylgir alltaf mengun en álverinu er skylt að hafa öflugan búnað sem takmarkar viðeigandi mengun eins og kostur er. Þessi mengunarbúnaður er tilgreindur í lögum um starfsemi stóriðjuvera. Umhverfi álversins er um 4000 ára gamalt hraun sem erfitt er að ímynda sér að hafi eitthvað tilfinningalegt gildi. Af hverju má ekki allt eins byggja upp iðnað þar frekar en að hafa þetta inn í byggð? Álverið var nú langt utan byggðar þegar það var byggt.

Að þessu ofansögðu læt ég það vera mín lokaorð að ég er samþykkur stækkun álversins í Straumsvík. Þeir íbúar Vallahverfis sem halda áfram að kvarta og kveina út af því útsýni sem þeir hafa skulu hugsa sinn gang áður en þeir draga andann næst því þeir hefðu átt að vita betur þegar þeir ákváðu að flytja á þetta svæði. Það er auðveldara að flytja eina fjölskyldu sem er ósátt en heilt álver. Þar að auki skilar fjölskyldan ekki teljandi ábata til bæjarins miðað við þann kostnað sem þau geta valdið bæjarfélaginu, t.d. vegna samfélagslegs kostnaðar sem fellur til á bæjarsjóð.
Kosning um stækkun álversins samhliða Alþingiskosningum næsta vor er sóun á almannafé og tel ég að því fé væri betur varið í greiðslu skulda bæjarsjóðs.
- - - - -

Hvernig er það, er einhver sammála mér eða kannski allir ósammála?

Nokkrir punktar

2006-11-13T15:25:00.000Z

Þá er maður kominn heim frá Köben eftir um 6 tíma töf sem varð vegna nokkurra vindstiga hér á klakanum. Við Gauti stóðum okkur nokkuð vel í drykkjunni verð ég nú bara að segja. Tuborg sá um að redda okkur slatta af nýjum jólabjór sem er nú bara skrambi góður, mæli eindregið með honum. Held að hann sé kominn í ríkið.

Atvinnuviðtalið sem ég minntist á í síðustu færslu skilaði mér ekki vinnu, ekki fleiri orð um það. Koma tímar koma ráð og önnur tækifæri/viðtöl.

Hvernig tilfinning haldið þið að sé að finna eitt stykki stóra 50 manna rútu fara slæda (slide, renna til að aftan)? Lenti í því á laugardaginn, svaka stuð og nokkrir svitadropar. Það skal tekið fram að ég var á ca 50 km hraða á 90 svæði á Þingvöllum, getið því ekki sagt að það hafi verið hraðakstur ;)

Ný bloggfærsla

2006-10-26T12:56:00.000Z

Er nú ekki kominn tími á nýja færslu? Bara "örfáir" dagar frá síðustu færslu.

Ástæða þess að ég hef ekki bloggað í ca 2 mánuði er einföld, annað prófið klikkaði og þar með útskriftin. Ég var ekki sáttur við það og reyndi hvað ég gat að redda því. Þetta hafði þá þau áhrif að í stað útskriftar í október og MS náms í Melbourne í febrúar, mun ég ekki ná að útskrifast fyrr en í júní á næsta ári (fagið sem klikkaði er nefnilega vorfag).

Hvað hef ég svo sem gert á þessum 8 vikum, látum okkur sjá;
- Unnið á taxa og rútum í dágóðan tíma
- Farið í æfingarbúðir með kórnum
- Farið í atvinnuviðtal (ekki bjartsýnn með það)
- Pantað flug og gistingu í Köben 1.-5.nóv. Ójá, þá verður sko drukkið.
- og hangið tímunum saman á Hlöðunni við að reyna skrifa eitthvað viturlegt í BS ritgerðinni (gengur frekar erfiðlega - ætli það heiti ekki agaleysi).

Ástin mín, hún Katrín Ásta, á bókað far heim til Íslands 29.nóv en það gæti verið að þeirri heimferð verði seinkað eitthvað smá út af námskeiði sem hún hefur áhuga á að taka. Let´s hope the best, þó ég vilji náttúrulega fá hana heim sem fyrst ;)

BS-inn nálgast

2006-09-01T13:19:00.000Z

Nú eru aðeins 9 einingar eftir í hina langþráðu B.Sc gráðu mína. Það er þó háð því að sá kennari sem á eftir að skila skili hagstæðri einkunn. Nú er bara að krossa fingur og vona það besta.

Af ritgerðinni er það að frétta hún gengur þó hægt sé. Deadline-ið er 25.sept nk og vonandi mun það ekki klikka þannig að ég mun taka í spaðann í Stínu rektor 4 vikum síðar :)

Prófgáta

2006-08-23T23:48:00.000Z

Hér er ein gáta sem Guðjón stórhagfræðingur í Sellanum lagði fyrir mig nú í kvöld eftir endalaus sannanaskrif:

Einu sinni sem oftar var ég á ferðalagi þegar ég sá skyndilega að ég stóð um 100 metrum sunnan við gríðarstóran björn. Ég ákvað að ganga 100 metra í austur, sneri mér svo beint í norður og skaut. Björninn féll samstundis dauður niður og ég fór strax og gerði að þessum happafeng. Ég spyr ykkur hins vegar: Hvernig var björninn sem ég skaut á litinn?

Sá sem giskar á rétt getur átt von á því að fá link á síðuna sína ;)

rithöfundar og vélritun

2006-08-18T11:31:00.000Z

Fyrir aftan mig situr einn af vinsælustu rithöfundum landsins þessi árin, Hallgrímur Helgason. Ætli hann sé að semja næstu jólabók? uhmm

Þegar ég mætti hingað á Hlöðuna áðan tók ég eftir því að hann vélritar með tveimur puttum, vísifingrum beggja handa. Hvernig ætli það sé með hann og fleiri rithöfunda, ætli þeir hafi virkilega ekki farið og lært vélritun? Hugsið ykkur bara hversu fljótari þeir væru með hverja bók ef þeir kynnu nú fingrasetninguna á lyklaborðinu.
Lyklaborðið hans Hallgríms er örugglega mjög fegið því þegar hann hættir að pína það, hann lemur svo fjandi fast á það.

Brandari sem ég sá aftan á Grapevine í boði Tuborg:
Hver er munurinn á manni og E.T.?
svar; E.T. hringdi heim :)

Uppkasti skilað

2006-08-09T13:41:00.000Z

Hverjum hefði dottið þetta í hug?
Klukkan 3:45 am aðfararnótt 9.8.2006 skilaði ég inn uppkasti að blessaðri ritgerðinni. Nú er bara að bíða og sjá hvað leiðbeinandinn segir við þessu. Spennó spennó

Nú tekur próflesturinn við í 2 vikur, ekki eins spennó.

Sáuð þið annars fréttina um fulla rútubílstjórann? Mér hefur skilist að þetta sé afleysingamaður hjá viðkomandi fyrirtæki. Hann ætti að skammast sín fyrir að segja já þegar þeir hringdu í hann um morguninn.
Já já, ég veit, hef víst líka verið tekinn rakur á rútu en þá var ég einn í rútunni og var ekki mættur þangað sem ég átti að sækja fólkið.

Mótorhjól o.fl.

2006-07-28T15:23:00.000Z

Duglegur ég að blogga, er það ekki?
Annars er ekkert að frétta af mér annað en það að ég þjáist af ritgerðarstíflu. Ég skal samt lofa því að fara skrifa eitthvað um síðustu daga ferðarinnar til fyrirheitna landsins, þegar ég nenni því.

Flestir þeir sem villast hingað inn hafa eflaust séð í fréttum og blöðum í gær og morgun, fimmtudag og föstudag, að mótorhjólaliðið safnaðist saman til að ræða málin út af háu hlutfalli mótorhjólaslysi þetta árið, þar af 3 banaslys. Miðað við þessa frétt, sjá hér, þá geta þeir bara sjálfum sér um kennt og ættu að kenna sínu fólki umferðarreglurnar áður en þeir fara væla í fjölmiðlum. Sjálfur hef ég nokkrum sinnum verið nálægt því að lenda í árekstri við mótorhjól á þjóðvegum landsins einmitt út af glæfraakstri hjá þeim sjálfum. Rútur eru læstar í 100-105 km/klst þannig að ekki var það rútan sem ók hratt.

Kominn heim

2006-07-18T18:15:00.000Z

Þá er þessi sæla að baki og alvaran tekin við.
Ferðin í heild var frábær í alla staði og hugurinn farinn að huga að næstu ferð sem gæti orðið í upphafi næsta árs ef ekkert major dæmi kemur í veg fyrir það. Mér finnst full langt mál að fara segja frá ferðinni, til viðbótar við það sem hefur verið ritað áður, en það er samt aldrei að vita nema ég komi með einhverja punkta um nokkur atriði á næstu dögum. Ég er nefnilega að búa til nokkrar færslur í huganum sem gætu endað í einni langloku.

Einn fróðleiksmoli:
Ástralía er svipuð að flatarmáli og Norður-Ameríka.

Réttið upp hendi sem vissuð þetta !!!

Kengúrur og kóala í nærmynd

2006-07-10T04:32:00.000Z

Jebb, maður getur nú ekki farið alla leið á suðurhvel jarðar án þess að ná að sjá kengúrur eða kóala - það er eiginlega bara algjört must. Við Katrín skelltum okkur í dýragarð, sem er staðsettur út í sveit, en hann sérhæfir sig í áströlskum dýrum eingöngu. Þau dýr sem við sáum voru t.d. kengúrur, kóala, emúar (fuglar sem eru ekki ósvipaðir strútum), fullt af alls kyns næturdýrum (komum að einu parinu í action - hehe), Tasmaníu djöfullinn, ástralskur villihundur, alls kyns snákar, eðlur og froskar. Í garðinum var líka fullt af fuglategundum sem ég náði sko alls ekki að læra nöfnin á. Ég dró djúpt andann og ákvað að snerta á einum snák sem var í höndunum á dýraverði, það var mjög sérstakt og hvergi nærri eins slæmt og ég hélt.
Það sem stendur nú helst upp úr þessum degi hjá mér er að hafa staðið svona rosalega nálægt kengúrunum og kóölunum. Girðingarnar voru mjög lágar þannig að ef ég hefði virkilega viljað taka smá áhættu þá hefði ég alveg getað teygt mig inn fyrir og klappað þessum frægustu dýrum landsins. Það verður bara næst :o)

Látum okkur nú sjá, hvað annað höfum við verið að gera og hvað hef ég upplifað?
Júbb, Katrín var búin að minnast á hversu góð Peking önd væri. Við ákváðum að fá okkur eina slíka og nammi namm, mikið asskoti var hún góð. Ekki skemmdi þetta frábæra meðlæti og vínið sem við höfðum með. Eftir þennan líka gómsæta kvöldmat ákváðum við að rölta smá um borgina og kíkja á nokkur kaffihús/bari og hella í okkur góðum veigum sem runnu ljúflega niður. Þegar við vorum að labba út af einum staðnum kom maður aftan að okkur og spurði ósköp rólega; "Hey guys, do you need a company?" Við afþökkuðum boðið hið snarasta og urðum eiginlega kjaftstopp því þarna kom bláókunnugur maður og bauð blíðu sína. Ulla bjakk.

Á meðan ég var að skrifa þetta blogg fékk Katrín einkunnirnar sínar, alla nema eina þó. Hún náði sínum prófum með glans og óska ég henni hér með innilega til hamingju með árangurinn :o)
Nú er bara að valta yfir prófin mín í ágúst og skila inn brilliant ritgerð til að eiga betri séns á því að komast inn í nám hér á næsta skólaári ;)

Stóri-Sjór og Durian

2006-07-06T08:46:00.000Z

Í gær skelltum við okkur í 12 tíma rútuferð sem heitir á tungu heimamanna The Great Ocean Road. Þetta er leið sem hermenn úr fyrri heimsstyrjöldinni byggðu meðfram ströndinni hér skammt vestur af Melbourne. Þetta var nokkurs konar atvinnubótavinna hjá þeim því þeir komust ekki í aðra vinnu vegna atvinnuleysis sem ríkti á þeim tíma. Ferðin í heild var frábær og sáum við fullt af skemmtilegum stöðum, t.d. litla strandbæi, fallegar sandstrendur og fullt af öðrum skemmtilegum upplifunum sem er of langt mál að fara telja upp hér. Það sem stendur þó upp úr að mínu mati er að í einu photostoppinu sáum við vakandi kóalabjörn upp í tré, sá kunni aldeilis að pósa þó þreyttur væri :o)

Í dag fórum við svo í bæjarferð um Melbourne í rútu. Sú ferð var ekki eins skemmtileg og hinar fyrri því leiðsögumaðurinn talaði non-stop allan tímann. Sem betur fer var Katrín búin að sýna mér það markverðasta en þó var fínt að fá einstaka staðreyndir um borgina.

Nú rétt áðan gerði Katrín tilraun til að gera út af við mig því hún sá ísbúð sem bauð upp á ákveðna tegund af ís. Þessi tegund hafði durian bragð en því má best lýsa sem myglaðri vanillu- og fisklykt saman í boxi. Ég gerði okkur þann óleik að klára það sem var keypt af þessu ógeði en afleiðingarnar eru þær að nú anga ég af þessu ógeði og Katrín situr ekki við hliðina á mér með bros á vör. Þegar ég ropa (sem gerist stundum eftir ísneyslu) kemur þetta bévítans bragð upp í munninn á mér og grettan á andlitinu er ansi vígaleg. Sterkur mentholbrjóstsykur dugði ekki einu sinni til að taka bragðið af tungunni. Ekki bætir nú úr skák að ég fæ ekki að kyssa stúlkukindina næstu klukkustundirnar, sem er frekar slæmt sko. :o(
Þið tilraunasjúku einstaklingar, ekki kaupa þetta ógeð þó að Hagkaup fari að bjóða upp á þetta - þetta er ÓGEÐSLEGT.

Vínsmökkun

2006-07-04T07:44:00.000Z

Nammi gott!!!
Fórum í vínsmökkunarferð í dag og því er þetta blogg pikkað undir síðustu áhrifunum af einu af fjölmörgum vínglösum sem runnu niður í dag.
Það er nú ekki slæmt að geta farið í rútuferð og fengið að smakka alls kyns áfengi án þess að borga sérstaklega fyrir það. Ekki skemmir heldur að rútufyrirtækið hafi gert mistök þegar pöntunin var gerð þannig að við fengum dýrari ferð, ferð í gufulest og vínflösku í sárabætur. Og síðast en ekki síst fáum við besta sætið á morgun í enn annarri rútuferð. Íslensk rútufyrirtæki mættu taka sér svona framkomu til fyrirmyndar og hana nú.

Vínin sem voru smökkuð voru brugguð á alls kyns máta sem ég náði misvel en það skiptir minnstu. Mestu máli skiptir að áhrifin af þeim komu þegar það átti við, er einhver ósammála? :o)

Nú er bara að skreppa í búðina, kaupa sér góða steik á örfáa dollara og drekka vínið sem við fengum í dag í sárabætur frá rútufyrirtækinu :o)

Skál !!!

Skólaumsóknir

2006-07-03T09:39:00.000Z

Hvernig er hægt að gleyma aðalatriðinu

Í dag sótti ég um í 2 háskólum hér.
Rithandarsérfræðingar University of Melbourne og RMIT fá nú það hlutverk að skilja mína fallegu rithönd.

Nú er bara að bíða og sjá hvernig það dæmi fer allt saman :)

Matur o.fl.

2006-07-03T09:18:00.000Z

Ég ákvað að búa til smá lista yfir það sem ég hef smakkað hér suður frá. Á listanum er t.d.;
- kengúrukjöt
- mangosteen
- mango
- ferskur ananas
- þurrkað kengúrukjöt (jerky)
- kínverskir dumplings
- lichi, það er ljúffengur ávöxtur
- James Boags, bjór frá Tasmaníu. Mjög góður og hressandi.
- indverskur matur. Roti (lesið; rótí) og alls konar sósur, parathi og dahl (linskubaunajukk)
- kínverskt bakkelsi (rauðbaunapakki)
- meat pie
- Tim Tam. Uppáhaldskexið hennar Katrínar
- ginger beer
- ástralskur malt bjór
- vegemite. Það er ógeðslega vont
- sojamjólk
- Hungry Jack´s, sem er reyndar Burger King (sem ég hef borðað þó nokkuð oft)
og eflaust eitthvað til viðbótar sem ég man ekki eftir í augnablikinu.

Svo er á planinu að smakka Peking Önd, drykkjarkókoshnetu, meiri indverskan.

Meira seinna :o)

La dolce vita

2006-06-29T08:09:00.000Z

Ójá, undanfarnir dagar hafa sko verið ljúfir.
Auk þess að hafa farið í heimsókn í þinghús héraðsins höfum við farið í eina lengstu sporvagnaferð sem er möguleg á þessu svæði en það er leiðin sem Katrín þurfti að fara allt að 2svar sinnum í viku. Ferðin tekur rúma klukkustund þegar farþegafjöldinn er temmilegur en getur farið upp í allt að 2 klst, ég er sko bara að tala um aðra leiðina og það snemma að morgni. Önnur eins ferð beið hennar að kveldi þegar var komið að heimferðinni. Nei takk, þetta er ekki fyrir mig.

Það sem stendur eflaust hvað hæst upp úr, so far, er þegar við Katrín gengum á hljóðið eitt kvöldið um daginn. Við vorum ekki alveg að skilja af hverju allt þetta fólk var að safnast saman á einu torgi í bænum og fylgdum því fólkinu. Þegar þangað var komið sáum við risaskjá og fullt af fólki í íþróttafötum og með ástralska fánann vafinn utan um sig. Eftir smá stund áttuðum við okkur á hlutunum, fólkið var að safnast saman til að horfa á beina útsendingu á leik sinna manna gegn Ítalíu á HM í Þýskalandi. Klukkan var, þegar hér var komið við sögu aðeins 9 pm en leikurinn hófst kl 1 am að staðartíma. Þvílíka stemmningin var komin um ellefu leytið en þá fórum við heim því okkur var orðið svo kalt. Menn börðu trommur og blésu í lúðra í um 4 klst áður en leikurinn hófst, þvílík orka í örfáum einstaklingum.
Ráðhústorgið í Köben 2002 var ekkert í samanburði við þetta þegar kórinn var þar á ferð og horfði á Danina keppa þá á HM.
Annað sem stendur einnig upp úr er þrívíddarbíó sem við fórum í. Hér má sjá mynd af mér þaðan.
Hér má einnig sjá fleiri myndir frá Melbourne :o)

Sólarlag í Melbourne

2006-06-25T08:15:00.000Z

Það er eitt sem mér finnst rosa furðulegt hér í suðrinu, það kemur myrkur bara einn tveir og bingó. Sólin sest um 5 leytið (5 pm) eins og hendi sé veifað og þá um leið tæmast göturnar af gangandi og keyrandi líkt og gerist um hánótt heima á klakanum. Það mætti halda að borgarbúar séu myrkfælnir :)

Annars er frábært að vera kominn hingað suður eftir þrátt fyrir að ferðalagið hafi verið langt og strembið. 36 tíma ferðalag er ekki það auðveldasta sem ég hef á minni stuttu ævi lagt í og mæli ekki með því að eldra fólk geri það.

Hver hefði trúað því að manni yrði kalt í 10 stiga hita? Ekki ég, en það er raunin. Aðeins örfáum kílómetrum fyrir norðan Melbourne, Brisbane, (ca 3 tíma flug í Boeing) er um tvöfalt heitara, pant búa þar yfir vetrartímann :)

Fyrsta kvöldið mitt hér eldaði Katrín handa mér fína steik. Ég fékk ekki að vita hvað ég var að borða í upphafi en þegar á máltíðina leið spurði hún mig hvað ég héldi. Ég giskaði á nautasteik en fannst það um leið frekar ólíklegt sem var og rétt því steikin var kengúrukjöt. Delicious, nammi gott. Það fyndna við þá steik er það að hún er ódýrari út í búð en fín nautasteik af því að framboðið er svo mikið á kengúrukjöti.

Í dag kíktum við í þinghús héraðsins, Parliament of Victoria. Það er flott hús sem er um 150 ára gamalt og með geðveikum innréttingum. Þingsalirnir eru nokkurn veginn alveg eins og þeir sem maður sér frá breska þinginu, meirihlutinn situr öðru megin og minni hlutinn hinu megin og svo kallast þeir á og skiptast á skoðunum.

Pant frysta tímann svo ég þurfi ekki að fara héðan alveg strax :)

Melbourne á morgun

2006-06-20T14:15:00.000Z

Jebb, það er komið að þessu.
Brottför frá Kef kl 7:40 til London og væntanleg lending í Melbourne er kl 4:45 am á föstudagsmorgni að staðartíma sem er 18:45 hér á klakanum á fimmtudag. Það er aldrei að vita nema Einar lögga muni fá þann heiður að verða síðasti einstaklingurinn sem ég mun tala við í Kef áður en ferðalagið hefst í háloftunum.

Ég bið þá bara að heilsa ykkur í bili en þó er aldrei að vita nema ein og ein færsla muni villast hingað inn frá Ástralíu :)

Ég er lifnadi

2006-06-13T19:32:00.000Z

Er ekki kominn tími á smá pistil hér?

Nú eru allar einkunnir komnar í hús, sú síðasta var 2 vikum of sein miðað við þessa þriggja vikna reglu. Árangurinn var ekki alveg nógu góður sem mun hafa þær afleiðingar að ég þarf að taka 2 próf í ágúst til að geta náð að útskrifast í október. Ekki fleiri orð um það.

Þegar þetta er skrifað eru aðeins um 5 klst þar til ég hef verið 27 ár í þessum heimi, þ.e. ég fæddist þann 14.6.1979 kl 00:28. Ég hef nú ekki haldið upp á þennan dag sem heitið getur í 10-15 ár ef undan er skilið 25 ára afmælið, í ár verður engin breyting þar á.

Nú er lengsta mögulega ferðalag veraldar alveg að bresta á því það verður flautað til brottfarar snemma að morgni 21.júní. Það er ekki laust við að hugurinn sé svolítið farinn að reika þangað og þá hvað helst eigi að nota tímann á leiðinni til að gera annað en að reyna sofa sem mest í 12 og 8 tíma flugunum.

Dóri er að hætta í pólitíkinni, einn Seðlabankastjóri að verða ráðherra. Ætli Dóri fari ekki bara til hans Dabba síns upp á Sölvhól og slappi þar af með honum? Það er a.m.k. mín ágiskun.

Nóg í bili, þið vitið þó núna að ég er lifandi

Búinn í prófum

2006-05-17T18:31:00.000Z

Ég er búinn í prófum, vonandi mínum síðustu vorprófum hér í HÍ

Framundan er BS skrif, eitt próf í ágúst og síðast en ekki síst 3 vikna sæla í Ástralíu :)
Brottför þangað er 21.júní og er tilhlökkunin farin að vaxa þó nokkuð hratt, merkilegt nokk :)

Verðtrygging - já eða nei?

2006-05-05T17:25:00.000Z

Nú nýlega hafði stjórnarformaður eins af stóru bönkunum orð á því að það skyldi fella niður verðtrygginguna sem sett var á 1979. Sumir stjórnmálamenn, sérstaklega þó í minnihlutanum, hafa haft orð á því að það gæti nú bara verið nokkuð sniðugt því þá myndi greiðslubyrði lána léttast (öreigahugsun). Þeir gleyma nú einum stórum þætti í þessu öllu saman því það er ekki nóg með að lánin okkar muni rýrna í verðgildi með tímanum heldur líka bankainnistæðurnar okkar. Þessi atriði, þó sérstaklega bankainnistæðurnar, voru ein helsta ástæða þess að verðtryggingin var sett á.

Nú hugsa örugglega einhverjir: ,,Hvurn fjandann er hann að meina? Verðtryggingin er slæm og hana ætti að afnema hið fyrsta." Ef það er málið þá eru viðkomandi á villigötum.
Auðvitað viljum við losna við afborganirnar okkar sem fyrst af flottu húsunum og bílunum sem við teljum okkur endilega þurfa eiga en þær vaxa bara og vaxa út af verðbólgunni og vöxtunum. Ef verðtryggingin yrði afnumin myndi verðgildi lánsins fara fallandi því verðbólgan myndi éta lánið upp, hver króna yrði alltaf minna og minna virði. Gott og blessað, en hvað gerist þá með bankainnistæðurnar? Verðgildi þeirra minnkar líka, þ.e. hver króna verður alltaf minna og minna virði þannig að við þurfum fleiri krónur til að kaupa kaffibollann okkar. Á endanum gætum við þurft að borga 100.000 kr fyrir einn kaffibolla (eða meira) einmitt út af því að verðbólgan bítur alltaf meira og meira af verðgildi krónunnar.
Ítalía er einmitt gott dæmi um land sem var með mikla verðbólgu og fallandi verðgildi líru (líra var gjaldmiðillinn þar áður en evran kom). Ástandið hefur eitthvað skánað þar, en þó ekki mikið.

1 down, 2 to go

2006-05-05T17:20:00.000Z

Prófin eru byrjuð í allri sinni dýrð. Hlaðan er kjaftfull frá morgni til kvölds og suma daga, líkt og í dag, er endalaust spjall á sumum borðum - eflaust prófstress í gangi.

1.prófið er að baki og gekk það bara fínt. Næsta próf er 13.maí og það síðasta þann 15.

Heavy fun, not

Kominn aftur

2006-04-25T18:40:00.000Z

Jæja, þá er þessi vinnutörn búin og ég er mættur á Hlöðuna. Við skulum ekkert vera fara út í þessar ferðir mínar í neinum smá atriðum en sú síðasta mun líklegast seint gleymast. Smá klaufaskapur í mér olli 4 klst töf á ferðinni en svo bilaði helvítis rútudruslan og hálftíma spotti tók ca 2 tíma að keyra.

Íslenska hagkerfið er á bullandi niðurleið og flestir hafa eflaust tekið eftir og er ég sammála fyrrum kennara mínum, dr Tryggva Þór forstöðumanni Hagfræðistofnunar, um orsakir þess. Hann hefur margoft bent á óstjórnina í hagstjórninni á þeim uppvaxtartímum sem landsmenn hafa upplifað á síðustu árum og kæruleysi plebbana á Austurvelli. Þeir hafa verið mun duglegri við að skrifa ávísanir en að leggja til hliðar.

Eitt stakk mig þegar ég las blöðin þegar ég kom heim en það er að svo virðist vera að landsmenn séu farnir að huga að gengistryggðum lánum. Eins og staðan er í dag þá er það ein mesta vitleysa sem fólk gæti farið út í því þau lán munu hækka í takt við fall krónunnar. Að vísu hefur krónan verið að styrkjast síðustu daga (erlend mynt verður ódýrari) en ég held að það sé bara tímabundin styrking. Ok, hvað er ég nú að bulla? Gengi upp og niður bla bla bla. Sko, þegar gengi krónunnar lækkar verður dýrara að fjárfesta í erlendum myntum. Tek dæmi:
Palli ætlar að kaupa sér hús fyrir 20 millur. Hann vill hafa helminginn af láninu í krónum og hinn helminginn í dollurum (USD). Þegar Palli gerir samninginn (1.1.06) er gengi USD = 60 ISK (1 dollari kostar 60 kr), lánið er til 40 ára. 1.afborgunin af láninu er 1.jan´07 en þann dag er gengi USD = 80 ISK og mun Palli því þurfa greiða [(1/40*10.000.000)+(10.000.000*80/60)] = 583.333 kr. En ef Palli hefði nú bara haldið sig við krónuna hefði hann "bara" þurft að borga 500.000 kr. Þarna munar 83.333 kr og það munar nú heldur betur um þá fjárhæð.
Ef USD myndi kosta 90 kr þá yrði afborgunin 625.000 kr og mismunurinn yrði 125.000 kr.
Höfuðstóll lánsins myndi líka vaxa í takt við hækkun dollarans gagnvart krónunni, t.d. yrði höfuðstóllinn 23.333.333 kr þegar USD = 80 kr og 25.000.000 kr þegar USD = 90 kr, en við þessar tölur bætist svo verðtryggingin sem kom með setningu Ólafslaga 1979. Höfuðstóll láns sem yrði eingöngu í krónum mun einungis hækka um það hlutfall sem verðtryggingin veldur.

Skilur einhver þessar útskýringar? Hvort haldið þið að sé skynsamlegra, gengistryggt lán eða lán sem einungis er í krónum?

Ath, þetta dæmi er aðeins einfaldað miðað við raunveruleikann en þó ætti það að vera skiljanlegt út frá því sem er í gangi varðandi stöðu gengismála. Sem dæmi um einföldun þá sleppti ég öllum vaxtatölum því þær breytast svo ört :-)

Hagfræðingurinn kveður

Gleðilega páska og gleðilegt sumar

2006-04-14T19:12:00.000Z

Gleðilega páska, þau ykkar sem villist hingað inn.

Gleðilegt sumar líka því ég er víst að fara svo lengi í burtu að ég kem ekki aftur fyrr en í sumar (ath, sumardagurinn fyrsti er næsta fimmtudag).

The time flies ... too fast

2006-04-12T09:06:00.000Z

Hvur andskoti, það er kominn 12.apríl og ca 3 vikur í 1.próf. Nú verð ég að fara hætta að vinna og snúa mér að bókaskruddunum.

Að undanförnu hef ég verið í skólaferðalögum með enska skólahópa sem hefur verið misskemmtilegt, unglingarnir voru mun erfiðari viðureignar en háskólastúdentarnir. Ég hef ferðast um Suðurlandið þvert og endurlangt og keyrt á þriðja þúsund kílómetra, aðeins á rétt 2 vikum. Það er einn hákólahópur eftir og þá mun ég slökkva á vinnusímanum og opna bækurnar upp á gátt.

Skrifa kannski eitthvað meira áður en ég fer úr bænum næsta sunnudag, páskadag.

Helgin búin ... tónleikar framundan

2006-03-29T09:39:00.000Z

Hafið þið skoðað kommentin við síðustu færslu? Hverjum dettur í hug að bóna skítuga/-n rútu/bíl í frosti? Ég hallast að því að yfirmaður minn hafi ekki verið með öll heilahvelin í gangi um helgina þegar hann kommentaði. Hann er líka Reykvíkingur, greyið hann.

Annars var helgin fín þó minna hafi orðið úr djammi en ætlað var. Helsta ástæða þess var mikil snjókoma sem var á Akureyri seinni part laugardags, skynsemin tók fram fyrir hendurnar á mér. Ég vildi ekki vera þunnur að keyra kjaftfulla rútu við misgóð akstursskilyrði. Ég hefði nú samt alveg getað drukkið meira því það hafði bara snjóað á Akureyrinni og hvergi annars staðar á minni leið. (Nú kommentar örugglega yfirmaðurinn aftur, greyið Reykvíkingurinn)
Síminn hf var styrktur vel um helgina, ekki fleiri orð um það nema þó það að um long distance símtöl var að ræða.

Svo um næstu helgi er Háskólakórinn með tónleika í Neskirkju. Fjöldi verka er á dagskrá sem er vel þess virði að koma og hlusta á. Miðaverð er "aðeins" 2000 isk en miðana er hægt að nálgast hjá mér.

Blogg frá Akureyri

2006-03-25T15:56:00.000Z

Jebb, titillinn er réttur.

Sit nú á Amtbókasafninu á Akureyri og læri. Ég er hér með um 40 fótboltastráka úr Breiðholtinu sem eru að keppa á Goðamótinu í innanhúsbolta í Boganum, íþróttahús Þórs.
Í dag, laugardag, er frídagur þannig að dagurinn hefur verið nýttur í lærdóm.
Í gærkvöldi var kíkt út á lífið en sökum þreytu var það stutt. Stefnt er á að bæta úr því í kvöld en þó verð ég að vera spakur því ég þarf að keyra í bæinn á morgun og spáin er ekki alltof góð fyrir Norð-Vestur hlutann, skafrenningur og skemmtilegheit.

Hér er stillt en skítakuldi, eins gott að maður tók með sér hlý föt.

Sjallinn í kvöld? Kemur í ljós, en það er einmitt næsta hús við mig

Jæja þá

2006-03-21T10:16:00.000Z

Jæja, smá blogg því ég er ekki nógu duglegur bloggari

Hvað ætli sé nú búið að gerast hjá mér síðan síðast? Jú, látum okkur nú sjá.
Ég fór á vægast sagt mjög slappa árshátíð í vinnunni fyrir rúmri viku og komst þá að því að ég fékk ekki stöðu framkvæmdastjóra sem ég sótti um innan fyrirtækisins eftir að hafa verið hvattur til þess af samstarfsfélögum og fyrrverandi framkvæmdastjóra. Miðaldra lögfræðingur tók við þessu starfi.
Síðasta vika einkenndist af miklu stressi því ég skilaði ritgerð sem gildir a.m.k. 40% af lokaeinkunn um sögu gengismála á Íslandi og svo djöfullegum dæmum daginn eftir. Reyndar var sami skiladagur á þessu tvennu en ég náði því ekki. Karlinn gefur hvort eð er ekki einkunnir heldur merkir hann bara við hverjir skila. Svo tóku við dæmi sem ég á að skila í dag, það reddast alveg.
Um nýliðna helgi var ég svo vestur á Snæfellsnesi með hóp af AFS skiptinemum sem voru í svokallaðri menningarferð. 40 stk háværir unglingar og 11 stk Íslendingar sem sáu um að allt gengi vel fyrir sig. Ég skal nú alveg viðurkenna það að ég hef nú sofið betur enda svaf ég á dýnu í borðsalnum sem var öðru megin við örþunnan vegg en hinu megin var salurinn sem krakkarnir sváfu.
Í gær kláraði ég svo að borga ferðina til Ástralíu í sumar. Hafði gengið hálfilla og ég komst þá að því að erlenda úttektarheimildin var ekki nógu há. Mín mistök. Tapaði á því um 7000 kr.

Næsta helgi verður svo á Akureyri með um 50 fótboltakrakka. Ég mun gista 2 nætur þar og verður fyrri á Hótel KEA og síðari á ekki verri stað, eða Hótel Norðurland. Grand helgi framundan :o)

smá bloggfærsla

2006-03-07T13:38:00.000Z

Er ekki kominn tími á smá blogg???

Sá hérna smá tékk-lista á einni síðu sem ég ákvað að stela (takk Anna Ósk) ;)

(x) reykt sígarettu, höfum það í fleirtölu
(x) klesst bíl vinar/vinkonu- jebb, bæði eigin og rútu
() stolið bíl
(x) verið ástfangin/n :-) og er það enn
(x) verið sagt upp af kærasta/kærustu
() verið rekin/n úr vinnu
(x) lent í slagsmálum, í dyravörslu
() læðst út meðan þú bjóst ennþá heima hjá foreldrunum.
(x) haft tilfinningar til einhvers sem endurgalt þær ekki
(x) verið handtekin/n, versta setning ævinnar sem ég hef heyrt (snemma að morgni)
() farið á blint stefnumót
(x) logið að vini/vinkonu, hver hefur ekki gert það?
(x) skrópað í skólanum, hefur komið fyrir
() horft á einhvern deyja
() farið til Canada
() farið til Mexico
(x) ferðast í flugvél
() kveikt í þér viljandi
() skorið þig viljandi
(x) borðað sushi
() farið á sjóskíði
(x) farið á skíði, góð tilraun til sjálfsvígs
(x) farið á tónleika
(x) tekið verkjalyf
(x) elskar einhvern eða saknar einhvers akkurat núna, vil mikið frekar vera í Ástralíu núna
() legið á bakinu úti og horft á skýin
(x) búið til snjóengil
(x) haldið kaffiboð
(x) flogið flugdreka
(x) byggt sandkastala
(x) hoppað í pollum, örugglega í æsku
() farið í "tískuleik" (dress up)
(x) hoppað í laufblaðahrúgu, örugglega í æsku
(x) rennt þér á sleða
(x) svindlað í leik, það er ekki til heiðarlegur spilari
(x) verið einmana, t.d. núna
(x) sofnað í vinnunni/skólanum, þurrar skólabækur eru ávísun á góðan svefn
() notað falsað skilríki
(x) horft á sólarlagið
(x) fundið jarðskjálfta, síðast í gær kl 14:31
(x) sofið undir berum himni
(x) verið kitluð/kitlaður
() verið rænd/rændur
(x) verið misskilin/n, hver hefur ekki lent í því?
() klappað hreindýri/geit/kengúru
(x) farið yfir á rauðu ljósi/virt stöðvunaskyldu að vettugi, maður stoppar nú ekki svo auðveldlega á stórri rútu
() verið rekin/n eða vísað úr skóla
() lent í bílslysi
() verið með spangir/góm
(x) liðið eins og þú passaðir ekki inn í/þriðja hjól undir vagni
() borðað líter af ís á einu kvöldi
() dansað í tunglskininu
(x) fundist þú líta vel út, ég er sáttur við mitt útlit
() orðið vitni að glæp
() efast um að hjartað segði þér rétt til
() verið gagntekin/n af post-it miðum (þið vitið - þessum gulu)
() leikið þér berfætt/ur í drullunni
() verið týnd/ur
(x) synt í sjónum, í útlöndum
() fundist þú vera að deyja
(x) grátið þig í svefn, mínar ástæður fyrir því
(x) farið í löggu og bófa leik, í æsku
() litað nýlega með vaxlitum
(x) sungið í karaókí, síðast í köben 2002
() borgað fyrir máltíð eingöngu með smápeningum
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk
(x) hlegið þannig að gosið frussaðist út um nefið á þér
(x) stungið út tungunni til að ná snjókorni, örugglega einhvern tímann
() dansað í rigningunni
() skrifað bréf til jólasveinsins
() verið kysst/ur undir mistilteini
() horft á sólarupprásina með einhverjum sem þér þykir vænt um
(x) blásið sápukúlur
() kveikt bál á ströndinni!
(x) komið óboðin/n í partý
() verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta, önnur tilraun til sjálfsvígs
(x) hefur einhver óska þinna ræst, gæti verið
() farið í fallhlífastökk
() hefur einhver haldið óvænt boð fyrir þig
(x) gert þig af þvílíku fífli fyrir framan fullt af fólki, hafa ekki allir gert það?
(x) kysst einhvern af sama kyni, bara múttukossa
(x) farið nakin í sund
() rennt þér á grasinu á snjóþotu
() verið sett í straff
() logið fyrir vini þína
(x) liðið yfir þig, þegar litla systir "veiddi" mig
() fengið sms frá einhverjum sem þú veist ekkert hver er og byrjað að spjalla við manneskjuna
(x) eyðilagt eitthvað sem vinur þinn átti

Þynnkublogg

2006-02-27T11:03:00.000Z

Jæja þá er þessi helgi að baki. Þessarar helgar verður fyrst og fremst minnst vegna gífulegrar þynnku sem hrjáði mig í gær. Sem dæmi um það þá tók það mig rúmar 3 klst að koma mér á fætur og aðrar 4-5 klst að hressa mig við þannig að ég gæti gert eitthvað annað en aumingjast heima.

Ástæða þessarar gífurlegu þynnku var mögnuð árshátíð Háskólakórsins sem haldin var á laugardaginn. Ætli ég geti ekki kennt rauðvíninu um ca 50% af þynnkunni.

Það er ekki laust við að þegar þetta er skrifað, rétt um 11 am á mánudegi, að maginn sé enn að jafna sig. Djöfull er maður orðinn gamall, slappur í nokkra daga eftir smá skrall ;)

Skrýtinn kennari

2006-02-24T11:31:00.000Z

Það hefur löngum vilja loða við Háskólakennarana að þeir séu frekar skrýtnir. Það er einn slíkur að kenna mér.
Þessi ákveðni kennari hugsar allt í fylkjum og vektorum enda með BS próf í stærðfræði og Ph.D í tölfræði og hagrannsóknum. Ætli Hóa og Hannes séu jafnrugluð? Það er góð spurning ;)
Ok, af hverju fer ég að skrifa þetta? Jú, málið er að í upphafi annarinnar þá kom það í ljós að fjárheimild til kúrsins var þannig að dæmatímarnir áttu bara að vera 6 en ekki 12 eins og hann vildi. Nú eru þessir 6 tímar búnir og nemendurnir héldu nú að þeir gætu farið að læra bókina en ekki bara leyst verkefnin sem hann leggur vikulega fyrir. Nei nei, í síðasta dæmatíma tilkynnti hann það að hann ætlaði sér að hafa dæmatíma út önnina þrátt fyrir að fá ekki borgað fyrir það.
Á mínum langa ferli í HÍ hef ég aldrei lent í svona dæmi, yfirleitt kenna þessir gaurar bara þá tíma sem þeir fá greidda.

Niðurstaða; Þessi karl er skrýtinn.

klukkeri klukk

2006-02-17T08:45:00.000Z

Þar kom að því, ég var ,,klukkaður"

4 vinnur sem ég hef unnið um ævina
Kjörstjórn í kosningum
Búðarstrákur
Garðyrkju
Rútukarl

4 bíómyndir sem ég get horft á aftur og aftur
Finnst leiðinlegt að horfa oft á sömu bíómyndina.

4 sjónvarpsþættir sem ég fíla
Fréttir
CSI, ekkert möst að horfa samt
Law&order, ekkert möst að horfa samt
???

4 staðir sem ég hef búið á
Hef búið á þremur stöðum í Hafnarfirði.

4 staðir sem ég hef heimsótt í fríum
Benidorm, Spáni
Algarve, Portúgal
Kaíró, Egyptalandi
Köben

4 síður sem ég skoða daglega
hí-mailið
mogginn
bloggið hennar Katrínar
kórspjallið
og fullt til viðbótar

4 matarkyns sem ég held uppá
Kjúklingapottréttur
Gúllash með hrísgrjónum
Grjónagrautur með fullt fullt af rúsínum
Soðin ýsa með kartöflum

4 staðir sem ég vildi helst vera á núna
Í Melbourne hjá Katrínu
Í Melbourne hjá Katrínu
Í Melbourne hjá Katrínu
Í Melbourne hjá Katrínu

Á maður svo ekki að reyna ,,klukka" einhvern sem hefur ekki verið klukkaður? Alla vegana þá ,,klukka" ég Katrínu og Guðjón.

Katrín bloggar

2006-02-09T14:34:00.000Z

Eins og sönnum Íslending sæmir er Katrín Ásta farin að blogga beint frá Melbourne. Slóðin er; www.katrin-i-astraliu.blogspot.com

Það er aldrei að vita nema maður kíki á þá síðu reglulega ;)

Stúdentapólitíkin

2006-02-08T12:03:00.000Z

Í dag og á morgun geta stúdentar við HÍ kosið til Stúdenta- og Háskólaráðs. Það er eitt sem breytist ekki í þeirri baráttu og mun líklegast ekki breytast á næstu árum en það eru námslánin.

Persónulega finnst mér námslánin vera allt allt of há. Hvað hefur námsmaður að gera við rúmar 100.000 krónur á mánuði? Sáralítið.
Leiga á Görðunum er allt að 50.000 krónur á mánuði, þokkalegur matarreikningur fyrir einstakling er um 30.000 krónur. Þurfa námsmenn eitthvað meira? Ekki tel ég það vera því ef þeir telja sig þurfa á hærri framfærslu að halda í hverjum mánuði þá geta þeir bara hysjað upp um sig brækurnar, skipulagt tímann sinn og unnið smá með náminu.

Ég þekki þó nokkur dæmi þess að vinir og kunningjar hugsi um það eitt að vinna sem stystan vinnudag (8-4 eða 9-5) til þess eins að fá ekki skert námslán. Þessi hugsun finnst mér vera svo kolröng því frítími námsmanna á að nýtast eins og kostur er í tekjuöflun.
Eins og margir vita eflaust hef ég horfið af yfirborði jarðar, eða því sem næst, um leið og skólinn hefur klárað í maí og unnið eins og vitleysingur til hausts. Hvað hef ég grætt á því? Jú, ég hef haft ca tvö- til þrefalt hærri tekjur að jafnaði en vinir og kunningjar um sumarið. Þar að auki hef ég ekki haft tíma til að eyða þessum fjármunum yfir sumarið þannig að þegar veturinn byrjar er ég í góðum málum fjárhagslega. Á sama tíma, að hausti, koma þeir námsmenn sem hafa aðeins unnið sína 8 klst vinnudaga - 5 daga vikunnar í skólann staurblankir eftir allt djamm sumarsins og byrja á því að væla í bönkunum um yfirdráttarlán svo þeir geti nú haldið áfram að djamma og djúsa á milli þess sem þeir líta í bók yfir vetrartímann þar til námslánin koma inn á reikninginn.

Lokaorð
Ég legg því til að námslánin verði lækkuð niður í 80.000 kr á mánuði og námsmenn hætti að væla um hvað það sé erfitt að vera námsmaður á Íslandi. Ef þið þurfið á meiri pening að halda þá skuluð þið bara fara vinna fyrir ykkur. Fólk á að koma sér áfram á eigin verðleikum en ekki á sósíalnum. Einstaklingsframtakið er það sem gildir en ekki velferðarhagkerfi vinstrimanna eins og Ísland virðist vera.
Ég mun skila auðu í Stúdentakosningunum.

Þá er hún farin, en ég elti

2006-02-06T13:37:00.000Z

Jæja þá er Katrín farin á vit ævintýranna.
Þegar þetta er skrifað er hún að rölta um á Heathrow og bíða eftir fluginu til Melbourne en hún þarf að bíða í ca 10 klst.

Ég ákvað í síðustu viku að skoða flug út í sumar og viti menn, fann ég ekki bara flug fyrir ca 95 kall. Ég skellti mér bara á það þannig að ég mun vera erlendis á tímabilinu 21.júní - 13.júlí í sumar. Í staðinn þá ákvað ég að sleppa kórferðinni til Finnlands í maí, æææ (not).

Hvað haldið þið svo að hafi verið síðasta verk kappans áður en stúlkan fór af landinu í 10 mánuði (í þessari lotu)? Nú auðvitað dró ég upp hring eins og sönnum karlmanni sæmir. :o)

Vika í einsemd

2006-01-30T08:38:00.000Z

Jæja, nú er aðeins vika þar til Katrín yfirgefur mig og heldur á vit ævintýranna á suðurhveli jarðar. Í síðustu færslu óskaði ég eftir aðila sem gæti fryst tímann en enginn hefur gefið sig fram. Anyone?

Af þessu tilefni skelltum við okkur á Apótekið á laugardagskveldið. Þar fengum við okkur dýrindis máltíð, 3 rétta, og fullt af víni. Að vísu þurftum við líka að borga fyrir það en það var sko vel þess virði. Mæli með Apótekinu, hiklaust.

Nú er bara málið að nýta þessa síðustu viku eins og kostur er því við munum ekki hittast aftur fyrr en í fyrsta lagi í haust nema eitthvað stórkostlegt gerist.

Gleðilegt árið

2006-01-23T19:28:00.000Z

Jæja, þá er nýtt ár hafið og rúmlega það

Hvernig stendur á því að sólarhringurinn hefur aðeins 24 klst? Það er eiginlega of lítið, sérstaklega þegar maður þarf orðið að sofa í ca 10 tíma á nóttu. Er það kannski bara leti? Gæti verið.

Hér með er óskað eftir aðila sem getur fryst tímann varanlega. Ástæða þessarar óskar er sú að bráðlega verð ég skilinn eftir á Klakanum því Katrín er að fara til Melbourne í MSc nám. Frystingin þarf að duga fram í október, eða svo, því þá stefni ég á að klára mitt nám.

Jólafrí :)

2005-12-19T17:31:00.000Z

Loksins loksins, ég er kominn í jólafrí.

Kláraði síðasta prófið kl 12 á hádegi í dag.
Vonandi gengur þessi jafna upp: 3 próf + ritgerð = BS gráða í vor.
Í versta falli þessi: 3 próf + ritgerð + 2 sumarpróf = BS gráða í haust.

Gleðileg jól öll sömul

aha

2005-12-16T13:01:00.000Z

***Your Birthdate: June 14***
You work well with others. That is, you're good at getting them to do work for you.It's true that you get by on your charm. But so what? You make people happy!You're dynamic, clever, and funny. And people like to have you around.But you're so restless, they better not expect you to stay around for long.
Your strength: Your superstar charisma
Your weakness: Commitment means nothing to you
Your power color: Fuchsia
Your power symbol: Diamond
Your power month: May

What Does Your Birth Date Mean?>

... o.fl.

2005-12-12T17:38:00.000Z

Alltaf gaman í prófum, er það ekki?

Oft hefur verið skorað á mig í alls kyns netleiki, nú læt ég loks undan (einmitt af því að ég er í prófum, hehe)

Commentaðu með nafninu þínu og...
1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4. Ég segi þér fyrstu ljósu minninguna mína af þér
5. Ég segi þér hvaða dýr þú minnir mig á
6. Ég spyr þig að einhverju sem ég hef velt lengi fyrir mér um þig
7. Af því að þú ert búinn að lesa þetta, þá verður þú að setja þetta inn hjá þér!!

Jæja, nú er bara að kommenta ;)

Hr. Klaufi

2005-11-22T18:15:00.000Z

Ég er nú meiri djöfulsins klaufinn!!!
Haldið þið ekki bara að karlinn hafi verið orðinn pínu stressaður yfir því að ein skitin 10% ritgerð hafi ekki verið að ganga nógu vel þegar það var rétt rúmur sólarhringur í deadline. En nei, skilin er viku síðar - í næstu viku.
Af hverju er ég þá klaufi? Jú, þannig er að ég sleppti því að skrá mig í 10% æfingapróf sem á ekki að vera svo erfitt fyrir svona langskólagenginn mann eins og mig, piece of cake próf ef lært er rétt fyrir það ;)

Nú er allt plan vikunnar í köku + ég var svo pottþéttur á því í upphafi vetrar að fara akkúrat í þetta eina æfingapróf.

Snökt :(

Já-há

2005-11-16T11:21:00.000Z

Bíðum nú við, hef ég ekki bloggað í 3 vikur? obbo sí

Ok, þessi fyrirlestur sem ég talaði um í síðustu færslu var sem sagt á ráðstefnu um rannsóknir í félagsvísindum. Háskóli Íslands stóð fyrir þessarri ráðstefnu.
Ástæðan fyrir því að ég var fenginn til að blaðra þarna var sú að ég var að redda vini mínum sem átti að ræða um sitt viðfangsefni en hann er einmitt að stúdera atferlissálfræði/-hagfræði í Cardiff, Wales. Hann er nánar tiltekið í Ph.D. námi. Þetta gekk skítsæmilega en það versta var að ég var svo pikkfastur í blöðunum, væntanlega út af stressi ;)

Svo hefur lífið bara gengið sinn vanagang. Skóli, kærasta, sofa, mjög lítið unnið.

Eruð þið búin að fatta það að það er ca mánuður í jólafrí? Dem it, best að fara byrja læra.

Óvænt uppákoma

2005-10-24T12:13:00.000Z

Takið föstudagsmorguninn 28.október frá. Mætið frekar í Lögberg, stofu 101.

Nýr klukkleikur

2005-10-21T10:37:00.000Z

Ég var víst klukkaður af henni Maju.

1. hvað ertu með í vösunum? Klink, þjófavörn og lykla.
2. hvað gerðirðu í gærkvöldi klukkan 1? Svaf
3. á hvaða skemmtistað djammaðirðu síðast? Oliver og Gauknum
4. hvaða celeb myndirðu sofa hjá? Humm... kýs að segja pass við þessari
5. hvað ætlarðu að verða tegar tú ert orðin/n stór? Ríkur hagfræðingur ;)

Ætli ég klukki ekki bara allan Háskólakórinn og Katrínu Ástu.

Íbúð óskast

2005-10-19T18:02:00.000Z

Veit einhver um þokkalega 2-3 herbergja íbúð sem er til sölu? Hún má kosta max 12 milljónir íslenskra króna.
Draumastaðsetningin mín er Hafnarfjörður en Katrín vill helst vera down town, Vesturbænum, Hlíðunum eða jafnvel í Fossvoginum - í hjólafæri frá pöbbunum.

Bloggkeppni

2005-10-19T17:43:00.000Z

Nei sko, Maja litla var að blogga aftur sem þýðir að ég verð þá að blogga líka.

Við Katrín höfum verið að hugsa um að stofna hjónabandsmiðlun en áður en það verður ákveðið endanlega þá þurfum við að sjá hvernig fyrsta tilraunin í að koma fólki saman mun ganga.
Nefni engin nöfn en smá vísbending:
Hann er í viðskiptafræði, nafnið hans byrjar á G. Hún er í hjúkkunni og nafnið hennar byrjar á M (í raun G en hún notar aldrei það nafn nema á opinberum pappírum).

Sá sem getur giskað á rétt fær glaðning :)

Lélegur bloggari?

2005-10-18T13:55:00.000Z

Stúlkukindin hún Maja (www.majagk.blogdrive.com) kallar mig lélegan bloggara. Ég er henni ósammála að mestu.
Hvað finnst þér, lesandi góður?

Aldrei í bænum

2005-10-11T11:38:00.000Z

Þessi titill er orð að sönnu því ég hef ekki verið í bænum síðustu tvær helgar og helgina þar áður var ég í Köben :)

Helgina eftir Köben varð afi gamli áttræður. Hann dreif familíuna út úr bænum í tilefni þess. Rólegt og þægilegt.
Síðasta helgi var öllu annasamari því þá voru æfingarbúðir hjá kórnum í Ölfusinu. Án þess að vera fara út í of ítarleg smáatriði þar um þá læt ég það duga að segja að sú helgi hafi hreint út sagt verið frábær. Nýju félagarnir náðu að stimpla sig inn svo um munar.

Að öllu óbreyttu lítur út fyrir að ég verði barasta bara í bænum um næstu helgi. Kannski maður kíki þá í námsbækurnar. Það kemur bara í ljós.

Lunch í Seðlabankanum

2005-09-29T14:39:00.000Z

Hagfræðingur af hagfræðisviði Seðlabankans bauð mér í lunch í Seðlabankanum í dag. Á matseðlinum var svínakambur með öllu mögulegu meðlæti.
Það var pínu sérstakt að sitja í mötuneyti bankans í dag vegna þeirrar miklu óvissu sem ríkir um það hvað bankinn mun gera hvað varðar stýrivextina.

Guðjón, takk fyrir mig.

Hátíðisdagur á Íslandi

2005-09-27T15:35:00.000Z

Í dag er mikill hátíðisdagur á Íslandi:

Davíð er hættur í pólitík, jibbí jey. Þar kom að því :)

Smá hagfræði

2005-09-16T18:05:00.000Z

Eins og margir tóku eftir nú í vikunni kom tilkynning frá hagfræðisviði Seðlabankans um að verðbólgan væri nú orðin 4,8%, sem er 0,8% (80 bp) fyrir ofan efri mörk verðbólgumarkmiðs Seðlabankans.

Út frá ofanrituðu þá er það mín spá að Seðlabankinn muni hækka stýrivexti sína um 0,25 - 0,5% þann 29.9.2005, eða jafnvel fyrr ef hann telur ástæðu til.
Rök:
Um leið og tilkynningin kom frá bankanum um að verðbólgan væri komin í 4,8% fóru fjármálagúrúar landsins að spá því að bankinn myndi hækka stýrivextina um allt að 0,75%. Þá þegar voru slíkar væntingar teknar inn í verð ríkistryggðra skuldabréfa. Þegar tilkynningin kemur frá bankanum, þ.e. ef 0,75% hækkun, mun það ekki hafa tilætluð áhrif, til lækkunar á verðbólgunni, vegna þess að það verður þá þegar komið inn í dæmið.
Vegna þessa spái ég því að vextirnir verði einungis hækkaðir um 0,25 - 0,5% og í kjölfarið af því mun koma slaki í hagkerfið, tímabundið, sem mun leiða til lægri verðbólgu.
Slakinn mun koma til vegna þeirrar spennu sem hefur myndast nú þegar á markaðnum vegna hárrar verðbólgu, fjárfestar munu verða afslappaðir í einhvern tíma.

ATH; þetta mun ekki gerast strax heldur munu fyrstu áhrifin ekki koma að einhverju leyti fram fyrr en eftir ca 6 mánuði og vera að fullu komin í gegnum hagkerfið eftir 18 mánuði.

Köben, here we come

2005-09-16T16:29:00.000Z

Dagana 22. - 25. september munum við Katrín vera í kongens Köbenhavn.
Ef einhverjir, af þeim fjölmörgu sem þar eru, vilja hitta okkur og kenna okkur inn á danska menningu þá er ykkur velkomið að hafa samband. Því fyrr því betra.

Í blöðunum

2005-09-14T11:54:00.000Z

Haldið þið ekki bara að karlinn hafi komist í DV vegna síðasta pistils.
Reyndar var ekki haft samband við mig, sem betur fer, heldur var farþegi í hinni rútunni sem sendi fréttina og myndir til DV.
Fyrir áhugasama má finna þessa frétt í DV þann 13.sept 2005, bls 4. Ef þið komist ekki yfir eintak þá hnuplaði ég einu af kaffistofunni á Hlöðunni. Eiginhandaráritanir verða afgreiddar um leið og þær verða pantaðar :)

Off road driving

2005-09-13T11:00:00.000Z

Síðastliðin helgi var minnisstæð að mörgu leyti, þó sérstaklega laugardagurinn.

Þannig var að förinni var heitið inn í Þórsmörk á fjallarútu með ca 15 túrista auk leiðsögumanns.
Þegar komið var austur að Seljalandsfossi var tekin ákvörðun um það að vera í fylgd með annarri rútu sökum mikilla vatnavaxta. Vegurinn var orðinn frekar grófur og töluverðir bakkar reyndust vera við suma lækina á leiðinni inn úr sem eru venjulega sárasaklausir. Allt gekk þetta vel og á leiðinni bættist þriðja rútan í hópinn. Sá bílstjóri hringdi og sagðist ekki treysta sér út í aðra erfiðustu ánna á leiðinni, Steinholtsá. Rútan sem ég elti fór fyrst út í og fór sá bílstjóri hið hefðbundna vað, við hinir eltum og allt í gúddí. Eftir smá stund var komið að annarri á sem hefur verið ansi erfið í sumar, Hvanná. Ég skellti mér í gönguskó og legghlífar og óð út í til að leita að vaði en fann ekkert sem ég treysti mér í. Í því komu 2 jeppar og fóru beint út í án þess að hika.
Nú byrjuðu ævintýrin því karlinn á rútu nr 3 ákvað að fara sömu leið og jepparnir og viti menn hann náði að festa sig án þess svo mikið að hafa náð að setja hálfa rútuna út í ánna. Eftir smá spól og fjör náði ég að losa rútuna. Þá ákváðum við leiðsögumaðurinn að snúa bara við því það væri ekkert vit í því að æða þarna yfir.
Á leiðinni til baka vorum við bara 2 rútur á ferðinni, ég og rúta nr 3. Þegar við komum að Steinholtsá gerði hann hræðileg mistök, hann skellti sér bara út í án þess að hugsa út í það hvernig hann fór yfir fyrr um daginn. Það endaði með ósköpum því framendinn á þeirri rútu datt ofan í hyl og pikkfestist. Eftir 2-3 mínútur fór rútan að halla um ca 20-30 gráður og var þá ákveðið að flytja fólkið í land. Ég hljóp eftir kaðli og festi í rútuna hjá mér og óð svo út í straumharða ánna, langleiðina upp í klof, til að festa í hina rútuna. Ef þið vissuð það ekki þá er vatn blautt og jökulvatn er ískalt. Rútan mín réð ekki við þetta dæmi og var því brugðið á það ráð að hringja í vörubíl sem náði að losa rútuna. Vörubíllinn þurfti að spóla sig áfram til að losa rútuna.
Þetta ævintýri tók ca klukkutíma en mikið djö var nú gott að geta farið loks úr blautum skónum, sokkunum og buxunum og í hrein og hlý föt því það er algjört must að hafa með sér aukasett af fötum þegar maður er að fara í svona ferðir.

Hvaða lærdóm getur maður dregið af þessu?
Maður á aldrei að æða út í straumharða á ef maður hefur ekki mikla reynslu af fjallaferðum og maður á alltaf að hlusta á og taka þátt í umræðum um hentugustu leiðina.
Ekki er ráðlegt að elta jeppa því þeir komast næstum allar leiðir.

Hótel Holt

2005-09-12T12:47:00.000Z

Á föstudaginn skrapp fjölskyldan út að borða á Hótel Holt í tilefni af því að amma gamla varð áttræð. Ég fékk mér eftirfarandi dinner:

Sælkeraseðill
Steikt gæsalifur með steiktum lerkisveppum og roðarunna eplum
Ristuð hörpuskel í piparhjúp og humar í tempurameð myntusalati og humar vinaigrette
Steiktar nautalundir með kantarellum, uxahalaragú, piparrótarkartöflum og kálfasoðkjarna
Súkkulaðitart með hesilhnetuís og gljáðum banana.

Að auki var komið með sýnishorn af tveimur smáréttum, lerkiviðarsúpu og eitthvað jarðarberjasull, svona til að auka matarlystina.

Ég get sko alveg mælt með þessu en helsti gallinn var stærð skammtana, þeir hefðu mátt vera aðeins stærri.

BS ritgerð

2005-08-24T19:45:00.000Z

Eftir smá umhugsun og meldingu á hugsanlegu ritgerðarefni var ákveðið að sjóða saman smá hugmynd og var það sent til eins prófessorsins við deildina. Það liðu ekki nema 2 klst frá því að ég sendi fyrirspurn til hans þar til að hann svaraði. Svarið var jákvætt.

Ritgerðarverkefnið mun snúast um hópferðabíla (langferðabifreiðar eins og sumir segja) og vissa hluti tengda þeim.
Leiðbeinandi verður; dr. Þórólfur Geir Matthíasson prófessor

Endalokin nálgast, jibbi jey

Blogga vs læra?

2005-08-17T13:11:00.000Z

Svarið við þessari spurningu er einfalt: BLOGGA
Ástæðan er nefnilega sú að næsta próf er heimspekidæmi, þurr og drepleiðinlegur lestur.

Smá update frá því síðast:
Fullt fullt af vinnu og túristum, Katrínu til mikillar gleði og ánægju (not).
Helgarferð í Flatey á Breiðafirði. Ath; ég heiti því hér með að fara aldrei aftur með ferju ef það eru meira en 2 m/s ég var nefnilega grænn í framan í ca 2 klst í þó nokkrum öldugangi.
Smá útilega upp í Hvalfjörð þar sem sólin var nýtt helst til of mikið því við brunnum mikið. Er enn að flagna ca mánuði seinna.
2 sumarpróf, er hálfnaður þegar þetta er skrifað.

Hvað finnst fólki um þetta Baugsdæmi?
Ég er nokkuð sáttur við það að þetta lið verði loksins tekið á beinið og látið borga til samfélagsins. Þetta fyrirtæki kemur öllum sínum peningum fram hjá kerfinu en heimtar svo alla þá þjónustu sem kerfið býður upp á. Hvernig stendur á því að forstjórinn og hans fólk er aðeins skráð með nokkra hundraðkalla í laun á mánuði þegar vitibornir menn vita að launin séu margfalt hærri? Hvað finnst ykkur?

Sumarið er byrjað

2005-06-09T17:16:00.000Z

Sumarið er byrjað fyrir alvöru sem þýðir þá að vinnudagurinn er ekki undir 10 klst, alvöru vinnudagur en ekki svona skrifstofudjobb sem er bara frá 9 - 5.

Dagana 12. - 26.júní mun ég vera með 25 manna þýskan hóp sem ætlar að labba um alla mögulega og ómögulega staði víðs vegar um landið. Þetta eru 15 dagar í eintómri leti og bið. Sá tími verður notaður til að lesa fyrir sumarpróf.

Blogga næst þegar ég kem til byggða.

Ekki gott

2005-05-10T21:01:00.000Z

3 einingar og töluverð vinna farin fyrir lítið. Huggun óskast.